راولپنڈی: پاک فوج کے شعبہ تعلقات عامہ کے ادارے آئی ایس پی آر نے کہا ہے کہ میجر محمد اصغر طورخم بارڈر پر کرونا سے لڑتے ہوئے شہید ہو گئے ہیں۔
ڈی جی آئی ایس پی آر کے مطابق میجر محمد اصغر طورخم بارڈر پر لوگوں کی اسکریننگ کے فرائض انجام دے رہے تھے، وائرس لگنے کے بعد انھیں سی ایم ایچ پشاور منتقل کیا گیا، میجر محمد اصغر کو سانس لینے میں دشواری کا سامنا تھا.
ڈی جی آئی ایس پی آر کا کہنا تھا کہ میجر محمد اصغر کی طبیعت بگڑنے پر انھیں وینٹی لیٹر پر منتقل کیا گیا لیکن وہ جاں بر نہ ہو سکے، قوم کی خدمت سے بڑا کوئی کاز نہیں ہے۔
آرمی چیف کا اسپیکر قومی اسمبلی کو فون، خیریت دریافت
واضح رہے کہ آرمی چیف کی جانب سے ہدایات تھیں کہ پاک فوج کے سپاہی لوگوں تک پہنچیں اور ان کی مشکلات میں آسانی پیدا کریں، میجر محمد اصغر نے لوگوں کی خدمت کرتے ہوئے جان قربان کر دی، ڈی جی آئی ایس پی آر کا کہنا تھا کہ ہم اپنے گھر میں کام کر رہے ہیں، پاکستان ہمارا گھر ہے۔
Major Muhammad Asghar laid his life in the line of duty at #Torkham border in fight against #COVID-19. Evacuated to CMH Peshawar with breathing problems, was put on ventilator but succumbed to Corona Virus. There is no cause bigger than serving the Nation.#OurMartyrsOurHeroes pic.twitter.com/3mtCKyRycq
— DG ISPR (@OfficialDGISPR) May 10, 2020
شہید پر افغانستان میں پھنسے افراد کی واپسی کی اسکریننگ کی ذمہ داری تھی، میجر محمد اصغر ہدایات پر عمل کرانے کے لیے صبح سے شام تک ٹرمینل پر موجود رہتے، انھیں 10 مئی کو اچانک سینے میں تکلیف محسوس ہوئی تو ان کو میڈیکل فیسیلٹی میں منتقل کیا گیا جہاں وہ خالق حقیقی سے جا ملے۔