اسلام آباد : وزارت آئی ٹی کا کہنا ہے کہ موبائل فون سم کی ایکٹیویشن کے لئے لائیو بائیومیٹرک ویری فکیشن لازمی قرار دے دی گئی ہے۔
تفصیلات کے مطابق قومی اسمبلی کی قائمہ کمیٹی برائےآئی ٹی ٹیلی کام کا اجلاس ہوا۔
اجلاس میں ممبر وزارت آئی ٹی نے بتایا کہ بینکنگ فراڈز کی وجہ جعلی سمز ہیں، اس لئے لائیو بائیو میٹرک ویری فکیشن لازمی قرار دے دی گئی ہے۔
ممبر آئی ٹی نے کہا کہ ڈمی فنگر پرنٹ سے اب سم ایکٹو نہیں ہو گی ، جعلی طریقے سے سم ایکٹیویشن کے خلاف ایکشن لیا گیا ہے۔
نمائندے کا کہنا تھا کہ موبائل فون کمپنیوں کے ریونیو میں کمی واقع ہوئی ہے ، سوچنا پڑے گا کہ ٹیلی کام مارکیٹ کیوں سکڑ رہی ہے۔
