لندن: برطانیہ کے ایک اسپتال نے بچوں کے لیے جنرل وارڈ سے آپریشن تھیٹر تک کا سفر آسان بنانے کے لیے ایک انوکھا قدم اٹھا لیا، اسپتال نے بچوں کو آپریشن کے لیے لے جانے کے لیے برقی کاروں کا استعمال شروع کر دیا۔
تفصیلات کے مطابق وسطی برطانیہ کے شہر لیسسٹر میں دی چلڈرن ہاسپٹل کی انتظامیہ نے آپریشن کے منتظر بچوں کے لیے اسپتال میں چھوٹی کھلونا الیکٹرک کاریں رکھ لیں، جنھیں بچے خود چلاتے ہوئے آپریشن تھیٹر تک خوشی خوشی جاتے ہیں۔
[bs-quote quote=”جنرل وارڈ سے آپریشن تھیٹر تک کا سفر دل چسپ بنانا چاہتے تھے: اسپتال نرس” style=”style-7″ align=”left” color=”#dd3333″][/bs-quote]
اسپتال کے اس انوکھے قدم سے بچوں کے لیے آپریشن کے لیے جانے جیسا ایک مشکل کام کسی قدر آسان بنا دیا، اسپتال کی نرس جولی کلیرک نے بتایا کہ ہم چاہتے تھے کہ چھوٹے بچوں کے لیے آپریشن کے لیے لے جانے کا معاملہ دل چسپ بنائیں۔
اسپتال کے منصوبے کے لیے پانچ برقی کاریں اور ایک ریموٹ کنٹرول کار کا عطیہ ایک موٹر گروپ نے دیا، ان میں منی فیاٹ 500، الفا رومیو 4C، وولوو XC90، جیگوار F-Type، رینج روور، اور ریموٹ کنٹرول لینڈ روور ڈیفنڈر شامل ہیں۔
یہ بھی پڑھیں: لندن میں چاقو زنی کی وارداتوں میں ہوش ربا اضافہ، رپورٹ جاری
دل چسپ منصوبے کے لیے پہلے اسپتال کے عملے نے خود چندہ کر کے ایک کار خریدی تھی لیکن وہ ٹوٹ گئی جس کے بعد وہ دوسری کار نہیں لے سکے تھے۔
