The news is by your side.

Advertisement

گورنر پنجاب کے لیے مخدوم احمد محمود نامزد

پاکستان پیپلز پارٹی نے گورنر پنجاب کیلیے سید مخدوم احمد محمود کو نامزد کردیا ہے جو کہ اس سے قبل بھی گورنر پنجاب رہ چکے ہیں۔

اے آر وائی نیوز کو ذرائع نے بتایا ہے کہ پیپلز پارٹی نے سید مخدوم احمد محمود کو گورنر پنجاب کیلیے نامزد کردیا ہے اور اس حوالےسے مخدوم احمد محمود کو ان کی ذمے داریوں سے بھی آگاہ کردیا گیا ہے۔

مخدوم احمد محمود اس سے قبل بھی گورنر پنجاب کے عہدے پر رہ چکے ہیں۔

واضح رہے کہ اس وقت عمر سرفراز چیمہ گورنر پنجاب ہیں جنہوں نے چند روز قبل سابق گورنر چوہدری محمد سرور کی برطرفی کے بعد یہ عہدہ سنبھالا ہے۔

مزید پڑھیں: گورنر پنجاب کا فی الحال مستعفی نہ ہونے کا فیصلہ

گورنر پنجاب عمر سرفراز چیمہ نے وفاق میں تبدیلی آنے کے بعد کہا تھا کہ انہوں نے عہدے سے مستعفی نہ ہونے کا فیصلہ کیا ہے اور وزیراعلیٰ پنجاب کے الیکشن کے بعد مستعفی ہونے کا ارادہ رکھتا ہوں۔

Comments

یہ بھی پڑھیں