کراچی : پیپلز پارٹی کے سابق رہنما مرحوم مخدوم امین فہیم کے بیٹے مخدوم جلیل الزمان کو قومی احتساب بیورو نے گرفتار کرلیا، ان پر نوٹس کے باوجود نیب میں پیش نہیں ہوئے تھے۔
تفصیلات کے مطابق کراچی میں قومی احتساب بیورو کی ٹیم نے بڑی کارروائی کرتے ہوئے پی پی کے سابق رہنما مخدوم امین فہیم کے بیٹے مخدوم جلیل الزماں کو حراست میں لے لیا۔
اس حوالے سے نیب ذرائع کا کہنا ہے کہ مخدوم جلیل الزماں کو سپرہائی وے کے قریب ان کے گھر سے حراست میں لیا گیا، ان پر کرپشن کا الزام ہے۔
نیب حکام کے مطابق مخدوم حبیب اللہ نےسابقہ ٹریژری افسر حیدرآباد مشتاق شیخ سے ملی بھگت کرکے کروڑوں کی مبینہ کرپشن کی، مشتاق شیخ نے دوران تفتیش مخدوم حبیب اللہ کا نام لیاتھا۔
نیب ذرائع کے مطابق مخدوم جلیل الزمان کو نیب نے اگست میں طلبی کا نوٹس جاری کیا تھا، نیب کے نوٹس کے باوجود مخدوم جلیل الزمان پیش نہیں ہوئے تھے، گرفتاری نیب کی جانب سے نوٹس پر پیش نہ ہونے پر عمل میں لائی گئی ہیں۔ ذرائع کا کہنا ہے کہ مخدوم جلیل الزماں المعروف مخدوم حبیب اللہ تعلقہ ہالا کے ناظم رہ چکے ہیں۔
