سعودی عرب میں مکہ مکرمہ اور اطراف کے علاقوں میں بارشوں کا سلسلہ جاری ہے، تیز بارش کے دوران بھی عمرہ زائرین عبادت الٰہی میں مصروف رہے۔
سعودی خبر رساں ادارے کی رپورٹ کے مطابق مسجد الحرام میں عمرہ زائرین بارش کے دوران طواف اور عبادت میں مصروف رہے اور اللہ کے حضور سجدہ ریز رہے۔
سوشل میڈیا پر مسجد الحرام میں بارش کے مناظر کی وڈیوز اور تصاویر شیئر کی جارہی ہیں، جس میں روح پرور مناظر کو دیکھا جاسکتا ہے۔
#مكة.. لقطات من الأمطار الغزيرة التي يشهدها الحرم المكي #الإخبارية pic.twitter.com/2UDXpfeadx
— قناة الإخبارية (@alekhbariyatv) August 6, 2024
سعودی موسمیات کے قومی مرکز کے بیان میں کہا گیا ہے کہ منگل کی رات گیارہ بجے تک بارش جاری رہ سکتی ہے، مکہ مکرمہ میں تیزہوائیں چلنے اور گرج چمک کے ساتھ بارش کے حوالے سے الرٹ جاری کیا تھا۔
واضح رہے حرمین شریفین انتظامیہ کی جانب سے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش کے مسائل سے نمٹنے کے لیے ہنگامی اسکیموں پر عمل درآمد کیا جارہا ہے۔
کویت ایئرویز نے اہم اعزاز حاصل کرلیا
انتظامیہ کا کہنا ہے کہ عبادت کے دوران زائرین کی سلامتی کو یقینی بنایا جارہا ہے، مطاف، نماز کے مقامات، داخلی راستوں پر بارش کے دوران فوری طور پر پانی کی نکاسی کو یقینی بنانے کے لئے بھرپور اقدامات کئے جارہے ہیں۔
