اہل مکہ آج ’’یوم الخلیف‘‘ منا رہے ہیں اس کو حرم میں خواتین کا دن بھی کہا جاتا ہے خواتین اور بچے یہ دن منانے مسجد الحرام کا رخ کرتے ہیں۔
عربی میں یوم الخلیف کے معنیٰ خالی دن کے ہیں اور اس کو منانے کی روایت بہت قدیم ہے۔ یہ دن اس لیے منایا جاتا ہے کہ جب حجاج کرام مناسک حج کی ادائیگی کے لیے منیٰ کی وادی کا رخ کرتے ہیں۔
یوم عرفہ پر حاجی مغرب تک میدان عرفات میں ہوتے ہیں اور پھر مزدلفہ میں رات بھر عبادت کرتے ہیں۔ ایسے موقع پر مکہ بالخصوص مسجد الحرام جو سارا سال لاکھوں زائرین سے بھری رہتی ہے اس میں خاموشی چھا جاتی ہ ہے۔
مسلمانوں کا قبلہ اور دنیا کی سب سے بابرکت مسجد کبھی خالی نہ رہے، اس لیے مکے کی ارد گرد آباد قبائل کی خواتین اور بچے ایک قدیم روایت کی تقلیف کرتے ہوئے یوم الخلیف کو منانے کے لیے مسجد الحرام کا رُخ کرتے ہیں تاکہ بیت اللہ کے طواف میں کسی بھی قسم کا تعطل نہ آئے۔
یوم عرفہ پر سیاہ کپڑوں میں ملبوس ہزاروں خواتین مسجد الحرام آتی ہیں اور عبادات میں مصروف ہو جاتی ہیں۔ کوئی طواف کعبہ کرنے اور کوئی دعا اور مناجات میں مصروف ہوتی ہیں۔ یہ خواتین ٹولیوں کی شکل میں مسجد الحرام میں نماز بھی ادا کرتی ہیں۔
یوم الخلیف جب مکہ کی خواتین مسجد الحرام میں کثیر تعداد میں آتی ہیں۔ #يوم_عرفة pic.twitter.com/31aGZNWp5u
— کعبۃ اللہ | Makkah (@HolyMakkah01) June 5, 2025
