The news is by your side.

Advertisement

معروف اداکارہ خوفناک کار حادثے کا شکار، اسپتال منتقل

ممبئی: بالی وڈ کی معروف اداکارہ ملائکہ اروڑا خوفناک ٹریفک حادثے میں شدید زخمی ہوگئیں۔ اداکارہ کو فوری طور پر اسپتال منتقل کر دیا گیا۔

”ہندوستان ٹائمز“ کی رپورٹ کے مطابق ملائکہ اروڑا ایک تقریب میں شرکت کے بعد پونے سے ممبئی واپس آ رہی تھیں کہ ان کی اور دیگر دو کاریں آپس میں ٹکرا گئیں۔

کھوپولی پولیس کے مطابق اداکارہ کو علاج کے لیے فوری طور پر اسپتال لے جایا گیا۔ حادثہ کیسے ہوا، اس متعلق پولیس نے تحقیقات شروع کر دی ہیں جب کہ اس کے بعد مقدمہ درج کیا جائے گا۔

Malaika Arora admitted to hospital after car accident | Bollywood -  Hindustan Times

تھانہ کھوپولی کے پولیس انسپکٹر کا کہنا ہے کہ کار حادثہ ممبئی پونے ایکسپریس وے پر 38 کلو میٹر کے فاصلے پر پیش آیا، تین گاڑیاں آپس میں ٹکرائیں اور تینوں گاڑیوں کو نقصان پہنچا ہے۔

انسپکٹر نے کہا کہ ملائکہ اروڑا کے علاوہ باقی دو گاڑی موقع سے فرار ہوگئیں، حادثے میں تمام افراد کو معمولی چوٹیں آئی ہیں۔

Malaika Arora hospitalised after getting injured in car accident, sister  Amrita confirms she's getting better -Exclusive! | Hindi Movie News - Times  of India

پولیس کا کہنا ہے کہ اداکارہ کی کار دونوں گاڑی کے درمیان کچل گئی، ہمیں تینوں کاروں کے رجسٹریشن نمبر مل گئے ہیں اور اب ہم مالکان سے رابطہ کریں گے تاکہ یہ معلوم ہو سکے کہ اصل میں کیا ہوا تھا۔

ملائکہ اروڑا کی بہن اداکارہ امریتا اروڑا نے حادثے کی تصدیق کر دی۔ انہوں نے میڈیا کو ان کی صحت سے متعلق آگاہ کرتے ہوئے کہا کہ ملائکہ کی حالت اب پہلے سے کافی بہتر ہے تاہم انہیں کچھ وقت کے لیے ڈاکٹرز کی زیرِ نگرانی ہی رکھا جائے گا۔

Comments

یہ بھی پڑھیں