ممبئی: معروف بالی وڈ اداکارہ ملائکہ اروڑا نے سُپر اسٹار شاہ رخ خان بن کر سوشل میڈیا پر دلچسپ ویڈیو شیئر کر دی۔
انڈین میڈیا کی رپورٹس کے مطابق ملائکہ اروڑا اس وقت بیٹے ارہان کے ہمراہ ریسٹورنٹ کھولنے کی وجہ سے خبروں میں ہیں اور آج انہوں نے آج ایک ایسی دلچسپ ویڈیو انسٹاگرام پر شیئر کی جو خوب وائرل ہو رہی ہے۔
یہ بھی پڑھیں: ملائکہ اروڑا سخت تنقید کے باوجود کیریئر بنانے میں کیسے کامیاب ہوئیں؟
ویڈیو میں ملائکہ اروڑا نے شاہ رخ خان اور اداکارہ کاجول کی بلاک بسٹر فلم ’دل والے دلہنیا لے جائیں گے‘ کے ایک مشہور زمانہ سین کو دوبارہ فلمایا جو ریلوے اسٹیشن پر شوٹ کیا گیا تھا۔
اس ویڈیو کو بنانے میں اداکارہ کی ٹیم نے ان کی مدد کی۔
ملائکہ اروڑا نے شاہ رخ خان بن کر چلتی ٹرین کے دروازے پر کھڑے ہو کر ٹیم ممبر کا ہاتھ تھاما اور اپنے ساتھ ٹرین میں سوار کر لیا۔
View this post on Instagram
بالی وڈ اداکارہ نے انسٹاگرام پر ویڈیو شیئر کرتے ہوئے کیپشن میں لکھا کہ میں انے اندر کے شاہ رخ خان کو باہر لا رہی ہوں لیکن اس بار ٹرین کے اوپر ہونے کے بجائے ’ہاتھ پکڑو اور ٹرین میں سوار ہو جاؤ‘ کیا۔
اکتوبر میں ملائکہ اروڑا نے ایک میگزین سے بات کرتے ہوئے کہا تھا کہ ہر وہ فیصلہ جو انہوں نے ذاتی زندگی کے بارے میں یا پیشہ ورانہ طور پر لیا اس نے ان کی زندگی کو ایک شکل میں ڈھال دیا۔
ان کا کہنا تھا کہ اپنے کسی بھی فیصلے پر پچھتاوا نہیں ہے بلکہ وہ خود کو خوش قسمت سمجھتی ہیں کہ چیزیں ویسے ہی ہوئیں جیسے انہیں ہونا چاہیے تھا۔ اس لئے کسی بھی فیصلے پر پچھتاوا نہیں۔
اداکارہ کا کہنا تھا کہ میں بغیر کسی پچھتاوے کے جیتی ہوں اور خود کو خوش قسمت سمجھتی ہوں کہ چیزیں اس طرح سے سامنے آئی ہیں۔
