بین الاقوامی شہر یافتہ اور نوبل انعام حاصل کرنے والی پاکستان کی پہچان ملالہ یوسفزئی کو اُن کی 22ویں سالگرہ کے موقع پر دنیا بھر سے مبارک باد کے پیغامات موصول ہورہے ہیں۔
یاد رہے کہ 12 جولائی 1997 کو پاکستان کےصوبے خیبرپختونخواہ کے ضلع سوات کے علاقے مینگورہ میں ملالہ یوسف زئی کی پیدائش ہوئی، اقوام متحدہ نے بین الاقوامی سطح پر 12 جولائی کو ملالہ ڈے کا نام دیا۔
گل مکئی کے نام سے ڈائری لکھ کر شہرت کی بلندیوں کو چھونے والی ملالہ کی زندگی عزم و ہمت کی مثال ہے یہی وجہ ہے دنیا اُن کی معترف ہے اور ہر قسم کے پروپیگنڈے کے باوجود پاکستانی بیٹی کو امن کا نوبل انعادم بھی دیا گیا۔
ملالہ یوسفزئی نے اپنی سالگرہ کا دن ایتھوپیا کی نوجوان لڑکیوں کے ساتھ گزارا اور اُن سے سیکھا کہ وہ کس طریقے سے خواتین کی تعلیم اور صنفی امتیاز کے لیے کام کررہی ہیں۔
مزید پڑھیں: سوات کی گل مکئی، دنیا آج ملالہ ڈے منا رہی ہے
سماجی رابطے کی ویب سائٹ پر ملالہ یوسف زئی کو دنیا بھر سے مبارک باد کے پیغامات دیے گئے جس پر انہوں نے شکریہ بھی ادا کیا۔
عائشہ نامی صارف نے ملالہ کو سالگرہ کی مبارک باد دیتے ہوئے اُن کا ایک قول شیئر کیا۔
Happy malala Day! @Malala #malaladay #MalalaYousafzai
more power to my girls! ♡@KashiKamal1 @KiHarshu @KasulaSahithi @doughtygirll @pr_creations @sakura20165 @DiorfemSam @Babyface7411 @VrindaSuraj @ishh_jenshad pic.twitter.com/2EXTWA4QL1
— Aysha💕 (@Aysha_Aysha12) July 12, 2019
ملالہ کے ساتھ پیش آنے والا حادثہ
سنہ 2010 میں 9 اکتوبر کو جب ملالہ گھر سے اسکول امتحان کو جانے کے لیے بس میں سوار ہوئی تو ایک مسلح طالبان نے اس پر حملہ کر دیا۔ نقاب پوش حملہ آور نے پہلے پوچھا کہ ’تم میں سے ملالہ کون ہے؟ جلدی بتاؤ ورنہ میں تم سب کو گولی مار دوں گا‘۔ جب ملالہ نے اپنا تعارف کروایا تو شدت جنگجو نے گولی چلا دی۔ملالہ کو لگنے والی گولی کھوپڑی کی ہڈی سے ٹکرا کر گردن سے ہوتی ہوئی کاندھے میں لگی تھی۔
دیگر دو لڑکیاں بھی اس حملے میں زخمی ہوئیں جن کے نام کائنات ریاض اور شازیہ رمضان ہیں، تاہم دونوں کی حالت خطرے سے باہر تھی اور انہوں نے حملے کے بارے میں تفصیلات دیں۔
Thank you for all the birthday wishes! 🙏🙏 I’m spending the day with young activists in Ethiopia, learning about their work for education and equality. pic.twitter.com/ppOpWY6f3i
— Malala (@Malala) July 12, 2019
ملالہ پر قاتلانہ حملے سے متعلق تفصیلات دنیا بھر کے اخبارات اور میڈیا پر ظاہر ہوئیں اور عوام کی ہمدردیاں ملالہ کے ساتھ ہو گئیں۔ پاکستان بھر میں ملالہ پر حملے کی مذمت میں مظاہرے ہوئے۔ تعلیم کے حق کی قرارداد پر 20 لاکھ افراد نے دستخط کیے جس کے بعد پاکستان میں تعلیم کے حق کا پہلا بل منظور ہوا۔
ملالہ کو ملنے والے اعزازت
اگلے برس 12 جولائی کو جب ملالہ کی 16ویں سالگرہ تھی تب انہوں نے اقوام متحدہ سے عالمی خواندگی کے بارے میں خطاب کیا۔ اقوام متحدہ نے اس دن کو ملالہ ڈے قرار دے دیا۔ حملے کے بعد یہ ملالہ کی پہلی تقریر تھی۔
دس اکتوبر 2014 کو ملالہ کو بچوں اور نوجوانوں کے حق تعلیم کے لیے جدوجہد پر نوبل انعام برائے امن دیا گیا۔ 17 سال کی عمر میں ملالہ یہ اعزاز پانے والی دنیا کی سب سے کم عمر شخصیت ہیں۔
🎈🎉Happy birthday @Malala!🎉🎈 Thank you for inspiring girls around the world with your courageous voice, fight for the right to education, and activism for gender equality. #MalalaDay pic.twitter.com/9qrsrAKCT2
— UN Women (@UN_Women) July 12, 2019
