The news is by your side.

Advertisement

ملالہ یوسفزئی بھی کشمیریوں کے حق کیلئے میدان میں آگئیں

لندن : نوبل انعام یافتہ ملالہ یوسفزئی نے کہا سات دہائی پرانا مسئلہ کشمیرپرامن طریقے سے حل کرنا چاہئیے ، توقع ہےعالمی برادری کشمیریوں کی تکالیف کاازالہ کرے گی۔

تفصیلات کے مطابق نوبل انعام یافتہ ملالہ یوسفزئی نے سماجی رابطے کی ویب سائٹ ٹوئٹر پر بھارت کی جانب سے مقبوضہ کشمیر کی خصوصی حیثیت ختم کرنے کے اقدام پر کہا مجھے کشمیریوں سےمتعلق تشویش ہے، ہمیں ایک دوسرے کونقصان اورتکلیف پہنچانے کے سلسلے کوجاری رکھنے کی ضرورت نہیں ہے، توقع ہے جنوبی ایشیا کے ممالک،عالمی برادری اورمتعلقہ اتھارٹی کشمیریوں کی تکالیف اور مشکلات کا ازالہ کریں گی۔

،ملالہ یوسفزئی کا کہنا تھا کہ ہمارے کتنے ہی اختلافات کیوں نہ ہوں ہمیں انسانی حقوق کا دفاع کرنا چاہئیے، خواتین اوربچوں کے تحفظ کو ترجیح دیتے ہوئے سات دہائیوں پرانا مسئلہ کشمیرپرامن طریقے سے حل کرنا چاہئیے۔

واضح رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا گیا تھا، بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے تھے ، جس کے بعد مقبوضہ کشمیر کی خصوصی حیثیت ختم ہوگئی۔

Comments

comments

یہ بھی پڑھیں