ملائیشیا نے پُراسرار طور پر لاپتہ ہونے والے ملائیشین طیارے ایم ایچ 370 کی تلاش دوبارہ شروع کر دی۔
ملائیشین وزیر کے مطابق جنوبی بحرہند میں ایک نئے علاقے میں طیارےکو تلاش کیا جائے گا۔ امریکی کمپنی کی جانب سے نئے علاقے کی نشاندہی پر دوبارہ تلاش کافیصلہ کیا گیا۔
ایم ایچ 370 بوئنگ 777 تھا جو 8 مارچ 2014 کو لاپتہ ہو گیا تھا جس میں 277 مسافر اور عملے کے 12 ارکان سوار تھے۔ ملائیشین حکومت نے 2018 میں طیارےکی تلاش روک دی تھی۔
ملائیشین ہوائی کمپنی کی پرواز MH 370 کوالالمپور سے چینی دارالحکومت بیجنگ جاتے ہوئے لاپتہ ہو گئی تھی۔
بدقسمت مسافر طیارے کو لاپتہ ہوئے 9 برس مکمل ہونے پر نیٹ فلکس نے سیریز ریلیز کی۔ سیریز کا نام ‘MH370: The Plane That Disappeared’ ہے جس کے ڈائریکٹر لوئیز مالکنسن ہیں، تین قسطوں میں طیارے کی گمشدگی اور اس سے متعلق سازشی نظریات کا احاطہ کیا گیا ہے۔
