اے آر وائی نیوز رپورٹنگ ٹیم : نذیر شاہ، کامل عارف، آصف خان، سنجے سادھوانی
ملیر جیل اور اطراف میں کل سے اب تک زلزلے کے نام پرکئی جھٹکے محسوس کیے گئے یہ زلزلے کے جھٹکے تھے یا کچھ اور ؟ اس حوالے سے سوالات اُٹھ گئے۔
جیل رولز کے مطابق تمام قیدی مغرب سے پہلے بیرکوں میں بند کردیے جاتے ہیں تو پھر دیوار کس نے اور کیسے توڑی؟
سوال یہ بھی کیا جارہا ہے کہ 24گھنٹے سے صرف ملیر کے علاقے میں زلزلے کے جھٹکے محسوس کیے گئے کیا اس کا تعلق ملیر جیل واقعے سے ہے؟
ذرائع کا یہ بھی کہنا ہے کہ ملیر جیل کے 50 سے زائد قیدی منصوبہ بندی کے تحت مرکزی دروازے پر بھی حملہ آور ہوئے تھے۔
دوسری جانب ملیر جیل سے قیدیوں کے فرار کے واقعے پر وزیر جیل سندھ علی حسن زرداری نے سختی سے نوٹس لے لیا۔ صوبائی وزیر نے آئی جی جیل خانہ جات اور ڈی آئی جیل سے رپورٹ طلب کرلی۔
وزیر جیل سندھ نے فوری احکامات جاری کیے کہ علاقے کا محاصرہ کیا جائے، کوئی قیدی فرار ہوا ہے تو اسے ہرحال میں پکڑ کر واپس لایا جائے، واقعے میں غفلت برتنے والے افسران کا تعین کیا جائے گا۔
