The news is by your side.

سیلاب متاثرین کے لیے ملیر پولیس اور انتظامیہ ضلع ملیر کا احسن اقدام

کراچی: ملیر پولیس نے سیلاب متاثرین کے لیے مثالی اقدام کرتے ہوئے کنڈ جھنڈ اور موئیدان میں 1 ہزار سے زائد متاثرہ خاندانوں میں ایک مہینے کا راش تقسیم کیا۔

تفصیلات کے مطابق کنڈ جھنڈ اور موئیدان میں 1 ہزار سے زائد سیلاب متاثرہ خاندان موجود ہیں، جن میں ایس ایس پی ملیر عرفان بہادر اور ڈپٹی کمشنر ملیر ارفان سلام میروانی کی جانب سے ایک مہینے کا راشن تقسیم کیا گیا۔

شدید بارشوں اور سیلاب کے متاثرین کی امداد کے لیے عرفان بہادر اور ارفان سلام خود کئی روز سے آپریشن میں موجود ہیں۔

اے آر وائی نیوز کی ٹیم 3 روز قبل سندھ بلوچستان بارڈر کے قریب پہنچی تھی، جہاں ضلعی انتظامیہ اور ضلع ملیر پولیس کے مشترکہ تعاون سے سیلاب متاثرین کے لیے فری میڈیکل کیمپ لگایا گیا ہے، جس سے اب تک 2 ہزار سے زائد افراد مستفید ہو چکے ہیں۔

ترجمان کراچی پولیس کے مطابق کنڈ جھنڈ اور موئیدان میں شدید بارشیں اور سیلابی صورت حال ہے، جس کے بعد حکومت کی جانب سے ان دونوں علاقوں کو آفت ذدہ قرار دیا گیا۔

دوسری جانب ڈی ایم سی اور ڈی سی ملیر کے مشترکہ تعان سے ہیوی مشینری کے ذریعے سڑکوں کو آمد و رفت کے لیے جزوی طور پر بحال کر دیا گیا ہے۔

ترجمان ضلع ملیر پولیس کا کہنا ہے کہ قدرتی آفت سے نبرد آزما خاندانوں کو تنہا نہیں چھوڑا جائے گا، ضلع ملیر پولیس اور ضلعی انتظامیہ ہر ممکن وسائل کو بروئے کار لا کر آزمائش کی اس گھڑی میں اپنے پاکستانی بھائیوں کے شانہ بشانہ کھڑی ہے۔

Comments

یہ بھی پڑھیں