یوگنڈا میں شوہر نے بیوی سے پانچویں مرتبہ جڑواں بچوں کی پیدائش پر علیحدگی اختیار کرلی۔
غیرملکی خبررساں ادارے کی رپورٹ کے مطابق مذکورہ واقعہ نالونگو گلوریا نامی خاتون کے ساتھ پیش آیا جن کے شوہر سالونگو نے اپنے نویں اور دسویں بچے کی پیدائش پر بیوی سے علیحدگی اختیار کرلی۔
خاتون کا کہنا ہے کہ ’وہ کمپالا کی نہیں ہیں اور محض محبت کی شادی کے لیے وہ اپنے شوہر کی وجہ سے یہاں آئیں لیکن شوہر کو جب معلوم ہوا کہ ہمارے ہاں پھر جڑواں بچوں کی پیدائش ہوئی تو انہوں نے مجھ سے الگ ہونے کا فیصلہ کرلیا۔‘
ان کا کہنا تھا کہ ’مجھے پتا ہے کہ وہ میرے بچوں کو پسند نہیں کرتے لیکن میں اپنے بچوں کو نہیں چھوڑ سکتی اور اب میں بہت تکلیف میں ہوں اور اپنا معاملہ خدا کے سپرد کرتی ہوں۔‘
نالونگو نے کہا کہ ’مجھے ان بچوں کی پیدائش پر کسی قسم کی شرمندگی یا مایوسی نہیں ہے۔‘
دوسری جانب شوہر کا کہنا ہے کہ یہ انتہائی غیر معمولی چیز ہے اور اب وہ مزید اپنی بیوی اور بچوں کی دیکھ بھال نہیں کر سکتا۔
