راولپنڈی : صوبہ پنجاب کے شہر راولپنڈی میں خاندان کو یرغمال بنانے والے مسلح شخص کو پولیس نے زخمی حالت میں گرفتار کرلیا۔
تفصیلات کے مطابق راولپنڈی کے علاقے مورگاہ میں گزشتہ رات سے اہل خانہ کو یرغمال بنانے والے مسلح شخص کو پولیس نے زخمی حالت میں گرفتار کرلیا۔
سی پی او اسرار احمد نے میڈیا سے گفتگو کرتے ہوئے کہا کہ گھرمیں خاندان کو یرغمال بنانے والاشخص کو زخمی حالت میں گرفتارکرلیا، خاندان کے افراد محفوظ ہیں۔
اسراراحمد نے کہا کہ واقعے میں اہلکارسمیت 2 افراد زخمی ہوئے ہیں جنہیں طبی امداد کے لیے اسپتال منتقل کردیا گیا۔
پولیس کے مطابق ایک بچہ گھر کی نچلی منزل سے بھاگ نکلنے میں کامیاب ہوا جسے محفوظ مقام پر منتقل کردیا گیا۔
پولیس کی یرغمالیوں کو چھڑانے کی کوششیں جاری ہیں جبکہ دوسری جانب یرغمال بنانے والے شخص کی جانب سے اب تک کسی قسم کے مطالبات سامنے نہیں آسکے۔
حیدرآباد، مسلح ذہنی مریض نے اپنے اہل خانہ کو یرغمال بنا لیا
یاد رہے کہ گزشتہ سال نومبر میں حیدرآباد میں اسی قسم کا واقعہ پیش آیا تھا جب ایک ڈاکٹر نے اپنی والدہ اور بچوں کو یرغمال بنایا تھا اس دوران وہ فائرنگ بھی کرتا رہا جسے بعدازاں پولیس نے حراست میں لے لیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
