پاکپتن: صوبہ پنجاب کے شہر پاکپتن میں درندہ صفت ماموں نے بھانجی کو زیادتی کے بعد قتل کردیا۔
تفصیلات کے مطابق پاکپتن کے گاؤں مگھر میں 4 سالہ بچی کے اغوا اور قتل میں ملوث ملزم کو پولیس نے گرفتار کرلیا۔
ڈی پی او پاکپتن کے مطابق درندہ صفت ماموں نے بھانجی کو زیادتی کے بعد قتل کیا، ملزم کی نشاندہی پر کھیتوں سے بچی کی لاش مل گئی۔
انہوں نے کہا کہ شک کی بنیاد پر زیرحراست ملزم نے دوران تفتیش جرم کا اعتراف کرلیا، ورثا نے اپنے مخالفین کے خلاف مقدمہ درج کرایا تھا۔
ڈی پی او پاکپتن کے مطابق ڈی این اے ٹیسٹ کے لیے نمونے فرانزک لیب بھجوا دیے۔
فیصل آباد: ایک دن کی دلہن سے شوہر سمیت چار افراد کی مبینہ زیادتی
یاد رہے کہ 12 جون کو فیصل آباد کے علاقے نلکا کوہالہ میں آٹھ جون کی رات شادی کے دوسرے دن25 سالہ دلہن نورین کو مبینہ طور پر اس کے شوہر شہباز اور جیٹھ عرفان سمیت چار افراد نے شراب پی کر اجتماعی زیادتی کا نشانہ بنایا تھا۔
