بھارت کی ریاست کرناٹک میں پولیس نے ایک ایسے خطرناک شخص کو حراست میں لے لیا جو انسانوں کا خون پیتا ہے۔
مقامی میڈیا کی رپورٹس کے مطابق ضلع چکبلا پور میں وجے نامی ملزم نے تیز دھار آلے سے حملہ کر کے ایک شخص کا گلا کاٹ دیا اور اس کا خون پینے لگا۔ ملزم اب تک متعدد افراد کو حملہ کر کے زخمی کر چکا ہے۔
چار روز قبل وجے نے راہ چلتے ایک شخص پر چاقو سے حملہ کر دیا اور اس کا خون پی کر اپنی پیاس بجھائی۔ ملزم نے زخمی شخص پر مزید بھی حملے کیے تاکہ زیادہ سے زیادہ خون پی سکے۔
مقامی لوگوں نے وجے کی خون پیتے ہوئے ویڈیو ریکارڈ کر کے پولیس تک پہنچا دی جس کے بعد قانون نافذ کرنے والے ادارے حرکت میں آگئے۔
پولیس نے وجے کو گرفتار کر کے واقعات کی تحقیقات کا آغاز کر دیا۔ خوفناک واقعے کے بارے میں سن کر مقامی لوگوں میں خوف و ہراس پھیل گیا۔
Comments
- Advertisement -
