بھارت میں کثیر المنزلہ عمارت میں خوفناک آگ بھڑک اٹھی جان بچانے کے لیے نوجوان نے 19ویں فلور سے چھلانگ لگادی جس کی ویڈیو منظرعام پر آگئی۔
ممبئی میں کثیر المنزلہ عمارت میں آگ لگی تو ایک 30 سالہ شخص نے اپنی جان بچانے کے لیے 19 ویں فلور کی بالکونی سے چھلانگ لگادی جس کی سی سی ٹی وی فوٹیج سامنے آگئی۔
بھارتی میڈیا کے مطابق ممبئی کے لال باؤگ علاقے میں ایک بلند عمارت کی 19ویں منزل پر آگ بھڑک اٹھی تھی۔
نوجوان جان بچانے کے لیے بالکونی سے لٹک گیا لیکن دھیرے دھیرے وہ اپنی گرفت کھوتا گیا اور نیچے گر کر زندگی کی بازی ہار گیا۔
ہلاک ہونے والے شخص کی شناخت سیکیورٹی گارڈ ارون تیواری سے کی گئی اسے طبی امداد کے لیے فوری اسپتال منتقل کیا گیا لیکن وہ جانبر نہ ہوسکا۔
ویڈیو میں دیکھا جاسکتا ہے کہ وہ کئی منٹ تک بالکونی سے لٹکا رہا اور اپنی گرفت کھو دینے کے بعد نیچے آگرا۔
رپورٹ کے مطابق جس عمارت میں آگ لگی وہ ایک لگژری رہائشی عمارت ہے، آگ پر چند گھنٹوں کی جدوجہد کے بعد قابو پالیا گیا، آگ لگنے کی وجہ فوری طور پر معلوم نہیں ہوسکی۔
