ویسے تو سانپ ایک خطرناک جانور ہے جو انسان پر حملہ کرنے اور اسے ڈسنے میں دیر نہیں لگاتا، تاہم حال ہی میں سوشل میڈیا پر وائرل ہونے والی ایک ویڈیو میں ایک شخص خطرناک سانپ کو پانی پلا رہا ہے۔
مذکورہ ویڈیو بھارتی فاریسٹ آفیسر سوزانتا نندا نے سماجی رابطے کی ویب سائٹ ٹویٹر پر شیئر کی، ویڈیو میں دیکھا جاسکتا ہے کہ ایک شخص ہتھیلی پر پانی ڈال کر سانپ کو پلا رہا ہے۔
سانپ کے پینے کے انداز سے معلوم ہورہا ہے کہ وہ خاصا پیاسا ہے۔
Summer is approaching. Your few drops can save someone’s life. Leave some water in your garden in a container for that can mean a choice between life & death for many animals🙏 pic.twitter.com/ZSIafE4OEr
— Susanta Nanda IFS (@susantananda3) March 9, 2022
سوزانتے نے لکھا موسم گرما آرہا ہے، آپ کے دیے گئے چند معمولی سے قطرے کسی کی جان بچا سکتے ہیں۔
انہوں نے لکھا کہ جانوروں کے لیے اپنے گارڈن میں کسی کنٹینر میں پانی ضرور رکھیں۔
بھارتی فاریسٹ آفیسر کی اس ویڈیو کو ہزاروں افراد نے دیکھا اور پسند کیا۔ لوگوں نے سانپ کو پانی پلانے والے شخص کی بہادری اور رحم دلی کی تعریف کی۔
