سی سی ٹی وی کیمرے میں ایک حیران کُن ویڈیو قید ہوئی جس میں دیکھا جاسکتا ہے کہ ایک راہ چلتے شخص کو کبوتر نے زور دار ٹکر ماردی، مذکورہ شخص کبوتر سے ٹکرانے کے بعد ہکا بکا رہ گیا۔
بین الاقوامی خبر رساں ادارے کی رپورٹ کے مطابق برطانوی ٹی وی کے صحافی کبوتر کی انسان سے ٹکرانے کی ویڈیو دیکھ اپنی ہنسی پر قابو نہ رکھ سکے۔
برطانوی ٹی وی کی رپورٹ کے مطابق ناٹنگھم سے تعلق رکھنے والا شخص مائیکل اسپیئرز اسٹور کی طرف جا رہا تھا، اس دوران کبوتر سے ٹکرا گیا۔
جب یہ سی سی ٹی وی ویڈیو برطانوی ٹی وی شو پر دکھائی گئی تو دونوں صحافی اپنی ہنسی پر قابو نہ رکھ سکے اور ہنس ہنس کر لوٹ پوٹ ہوگئے۔
ویڈیو میں دیکھا جاسکتا ہے کہ خاتون اتنا زیادہ ہنسی کے ان کی آنکھوں سے آنسو بہنے لگے، جس کے باعث ان کا میک بھی خراب ہوگیا۔
خاتون صحافی کا ہنستے ہوئے کہنا تھا کہ مجھے پسینہ آرہا ہے، دوبارہ میک اپ کرانا ہوگا، ویڈیو میں دیکھا جاسکتا ہے کہ اتنی زور سے ٹکرانے کے باوجود کبوتر کو چوٹ نہیں لگی جو بالکل ٹھیک ٹھاک تھا۔