واشنگٹن: امریکا میں نوجوان کو پرینک ویڈیو شوٹ کرنا مہنگا پڑگیا، راہ گیر نے گولی مار دی۔
غیرملکی میڈیا کے مطابق یہ واقعہ امریکی ریاست ٹینیسز کے شہر نیشول میں پیش آیا جہاں ایک نوجوان اپنے دوست کے ہمراہ پرینک ویڈیو بنا رہا تھا تاہم غیردانستہ طو پر شہری نے فائرنگ کرکے موت کے گھاٹ اتار دیا۔
رپورٹ کے مطابق ٹیموتھی نامی 20 سالہ نوجوان ڈکیتی کی پرینک ویڈیو شوٹ کررہا تھا، اس دوران اس نے تیز دھار آلے سے راہ چلتے لوگوں کے ایک گروہ کو روکا اور ڈرا دھمکا کر پیسے وقیمتی اشیا دینے کا مطالبہ کیا۔
ان افراد میں 32 سالہ ڈیوڈ اسٹانرس بھی تھا جس نے اپنی دفاع کے لیے نوجوان کو گولی مار دی۔
پرینک اسٹار بننے کی کوشش، نوجوان کو جیل کی ہوا کھانی پڑگئی
شہری کا کہنا ہے کہ اسے نہیں پتا تھا کہ یہ کوئی فیک ویڈیو ہے، یا پھر پرینک شوٹ کیا جارہا ہے۔ پولیس نے بتایا کہ یہ افسوس ناک فائرنگ کا واقعہ ایک پارک کے قریب پیش آیا۔
مقتول کا دوست قریب ہی چھپ کر پرینک ویڈیو کی ریکارڈنگ کررہا تھا۔