واشنگٹن: امریکا میں شہری کو پرینک کرنا مہنگا پڑگیا، ملزم کو جیل کی ہوا کھانے کے ساتھ ساتھ بھاری جرمانہ بھی ادا کرنا ہوگا۔
غیرملکی خبررساں ادارے کی رپورٹ کے مطابق یہ واقعہ امریکی ریاست ٹیکساس میں پیش آیا جہاں ایک شہری نے پرینک کرتے ہوئے ویڈیو ریکارڈ کی جو سوشل میڈیا پر بھی وائرل ہوگئی۔
پرینک کے دوران ملزم نے غیر اخلاقی حرکت کی، ویڈیو میں دیکھا گیا ہے کہ شہری نے اسٹور میں گھس کر آئس کریم کے ڈبے کو چاٹا اور چپکے سے آئس کریم کو دوبارہ فریج میں رکھ دیا۔
بعد ازاں شہری نے ہوشیاری کا مظاہرہ کرتے ہوئے چاٹی ہوئی آئس کریم کو خرید کر لے گیا اور کچھ دیر بعد واپس آکر اس نے اسٹور مالک سے کہا یہ کسی کی چھوڑی ہوئی آئس کریم ہے جو مجھے دی گئی۔
پرینک کرتے ہوئے نوجوان کی شکایت پر اسٹور مالک نے فریج میں رکھی تمام آئس کریم کو دوبارہ نکال کر ٹیسٹ کے لیے بھیجوا دیا تاہم ملزم کی یہ حرکت بہت مہنگی ثابت ہوئی۔
جرم ثابت ہونے پر شہری کو 30 دن جیل کی سزا اور بھاری جرمانے کا سامنا ہے۔
https://www.facebook.com/Wildwoogie/videos/2392253680862056/?t=0
