شارجہ : عدالت نے پیسوں کے تنازعے پر ساتھی ملازم کر قتل کرنے کے جرم میں 47 سالہ ایشیائی شخص کو سزا سناتے ہوئے ٹرائل پر جیل منتقل کرنے کا حکم دے دیا۔
تفصیلات کے مطابق متحدہ عرب امارات کی ریاست شارجہ کی پولیس نے کارروائی کرتے ہوئے ایک 47 سالہ ایشیائی شخص کو اپنے ساتھی ملازم پر قاتلانہ حملہ کرکے قتل کرنے کے جرم میں گرفتار کرکے عدالت کے سامنے پیش کردیا۔
عدالتی دستاویزات کے میں بتایا گیا ہے کہ مذکورہ ملزم نے اپنے ساتھ ملازمت کرنے والے شخص کو تیز دھار خنجر کے متعدد وار کرکے زخمی کردیا تھا جو اسپتال میں دوران علاج زخموں کی تاب نہ لاتے ہوئے ہلاک ہوگیا۔
شارجہ پولیس کا کہنا تھا کہ مجرم نے دوران تفتیش اپنے ساتھی کو قتل کرنے کا اقرار کرتے ہوئے کیا۔
پولیس کا کہنا تھا قاتل اور مقتول کے درمیان پیسوں کی لین دین پر تنازعہ چل رہا تھا جس کے بعد مجرم نے چاقو کے پے در پے وار کرکے 35 سالہ ساتھی کو قتل کردیا۔
غیر ملکی خبر رساں ادارے کا کہنا تھا کہ عدالت میں قتل کرنے کے جرم میں گرفتار ایشیائی شخص نے اپنے اوپر لگائے جانے والے تمام الزامات کی توسیق کی اور کہا کہ’میرے ساتھی نے مجھ سے پیسے ادھار لیے جو کئی مرتبہ طلب کرنے کے باوجود واپس نہیں لوٹا رہا تھا اسی لیے میں اسے قتل کردیا‘۔
غیر ملکی خبر رساں ادارے کا کہنا تھا کہ شارجہ کی عدالت نے اعتراف جرم کرنے کے بعد مجرم کو قتل کرنے کے جرم میں سزا سناتے ہوئے ٹرائل پر جیل منتقل کرنے کا حکم سنا دیا۔
