نئی دہلی: بھارت میں راہگیر خوفناک حادثے سے بال بال بچ گیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق بھارتی ریاست کیرالہ میں مصروف شاہراہ پر چلنے والا راہگیر خوفناک حادثے سے بال بال بچ گیا، حادثے ویڈیو دیکھ کر لوگ حیران رہ گئے۔
ویڈیو میں دیکھا جاسکتا ہے کہ ایک شخص بیگ اور چھڑی پکڑے سڑک پر چل رہا ہے اتنے میں ایک تیز رفتار گاڑی اس کے عقب سے گزرتی ہے اور خوش قسمتی اس کی زندگی بچ جاتی ہے۔
Luckiest man of the month award goes to this man.
Chavara, Kollam District,Kerala. pic.twitter.com/dAGnteQpDe
— Nisar നിസാർ (@nisarpari) August 22, 2020
حادثے سے بچ جانے کے بعد مذکورہ شخص گھبرا جاتا ہے اور الٹی جانب دوڑ لگانے کے بعد تھوڑی دور جاکر رک جاتا ہے اور دائیں بائیں جانب دیکھتے ہوئے سوچ میں پڑ جاتا ہے کہ اس کے ساتھ ہوا کیا ہے۔
سماجی رابطے کی ویب سائٹ ٹویٹر پر نثار نامی صارف نے ویڈیو شیئر کی اور لکھا کہ ’خوش قسمت آدمی ہے، اس ماہ کا ایوارڈ اس شخص کو جاتا ہے۔‘
حادثے کی ویڈیو پر تبصرہ کرتے ہوئے صارفین الجھ پڑے کسی نے کہا کہ پیدل چلنے والے شخص کی غلطی ہے تو کسی نے تیز رفتار ٹرک ڈرائیور کو مورد الزام ٹھہرایا۔