The news is by your side.

Advertisement

نشئی کی ماں کے ہاتھ سے بچی چھیننے کی کوشش، چچا نے مکا مار کر ناکام بنا دی

امریکا میں ایک نشئی نے ماں کے ہاتھ سے بچہ چھیننے کی کوشش کی لیکن بچی کے چچا نے اس کی یہ مذموم کوشش ناکام بنا دی۔

یہ پریشان کن واقعہ امریکی ریاست کیلی فورنیا میں پیش آیا جب دو میاں بیوی، ان کی 6 سالہ بچی اور بچی کے چچا تفریح کے لیے ساحل سمندر پر گئے۔ تب ہی ایک خراب حلیے والا شخص ان کے قریب آیا اور بچی کی طرف اشارہ کر کے کہا کہ وہ اس بچی کو جانتا ہے اور اسے بچانے آیا ہے۔

مذکورہ خاندان نے اس شخص سے دور جانے میں ہی عافیت سمجھی اور ایک قریبی پیزا شاپ میں جا کر بیٹھ گئے۔

مذکورہ شخص جس کی شناخت بعد میں نیلسن کے نام سے ہوئی ان کے پیچھے آیا اور بچی کو جو اپنی ماں کی گود میں بیٹھی تھی، اس کے ہاتھ سے چھیننے کی کوشش کرنے لگا۔

تب ہی بچی کے چچا نے جو ایک سابق آرمی افسر تھا، نیلسن کو بالوں سے پکڑ کر کھینچا اور زوردار دھکا دے کر زمین پر گرا دیا۔

اس کے باوجود مذکورہ شخص باز نہ آیا اور دوبارہ بچی کی طرف بڑھا، اس کا اصرار تھا کہ وہ بچی کو جانتا ہے اور اسے بچانے کی کوشش کررہا ہے۔

تاہم دوسری بار بھی بچی کے انکل نے اسے روکا اور اس بار ان کے درمیان باقاعدہ ہاتھا پائی ہوئی۔ دونوں میں کچھ دیر تک کھینچا تانی ہوتی رہی جس کے بعد پولیس موقع پر پہنچ گئی اور نیلسن کو حراست میں لے لیا۔

بچی کے والد کا کہنا ہے کہ اس سارے عمل کے دوران وہ مسلسل چیختا رہا کہ وہ بچی کو بچانا چاہتا ہے، ’معلوم نہیں وہ بے گھر ہے یا نہیں تاہم اپنے حلیے سے وہ منشیات کا عادی ضرور لگ رہا تھا‘۔

پولیس نے نیلسن کو اغوا کی کوشش کے جرم میں گرفتار کرلیا۔ وہ اس سے قبل بھی لاس ویگاس اور کیلی فورنیا میں مختلف نوعیت کے جرائم کی پاداش میں جیل میں رہ چکا ہے۔

fb-share-icon0
Tweet 20

Comments

comments

یہ بھی پڑھیں