تازہ ترین

مسافر چلتے جہاز کے پروں پر چلنے لگا

امریکا میں ایک مسافر چلتے ہوائی جہاز ہنگامی دروازہ کھول کر طیارے کے پر کے اوپر چلنے لگا جس پر اسے گرفتار کرلیا گیا۔

غیرملکی خبررساں ادارے کی رپورٹ کے مطابق پولیس کے مطابق واقعہ شکاگو کے اوہارے ہوائی اڈے پر پیش آیا مسافر نے اچانک ہی اٹھ کر ایمرجنسی گیٹ کھولا اور طیارے کے پروں پر چہل قدمی شروع کردی۔

سان ڈیاگو سے آنے والا طیارہ 5 مئی کو علی الصبح رن وے پر اترا ہی تھا کہ مسافر نے ہنگامی دروازہ کھولا اور ہوائی جہاز کے پر کے اوپر چلنے لگا۔

جہاز میں موجود ایک فرد نے اس دروازے کی تصویر بھی ٹوئٹر پر شیئر کی جس کو کھول کر وہ مسافر جہاز سے باہر نکلا تھا۔

اس مسافر کو بعد ازاں پولیس نے حراست میں لے لیا جس کا نام رینڈی فرینک ڈاویلا بتایا گیا ہے جو ریاست کیلی فورنیا کا رہائشی ہے۔

اس مسافر پر غیرذمہ دارانہ رویے کا الزام عائد کیا گیا ہے اور جلد مقدمہ چلایا جائے گا، واقعے کے دوران طیارے میں موجود تمام مسافر محفوظ رہے۔

Comments

- Advertisement -