The news is by your side.

Advertisement

وزیراعظم نوازشریف سے ایم ڈی آئی ایم ایف کی ملاقات

واشنگٹن: وزیراعظم نواز شریف سے ایم ڈی آئی ایم ایف کرسٹئین لیگارڈ اور امریکی وزیر خزانہ جیل لیو نے الگ الگ ملاقاتیں کی۔

تفصیلات کے مطابق ملاقات میں ایم ڈی آئی ایم ایف نے پاکستان کی اقتصادی پالیسیوں کو سراہا وزیراعظم نواز شریف کا کہنا تھا کہ حکومتی کاوشوں سے مالی خسارہ کم ہوا ہے، جبکہ شرح نمو پینتالیس فیصد پر پہنچ گئی ہے۔

وزیراعظم نواز شریف سے ایم ڈی انٹرنیشنل مانیٹری فنڈ کرسٹئین لیگارڈ نے ملاقات کی، جس میں وزیر اعظم نے ایم ڈی آئی ایم ایف کو اقتصادی اصلاحات سے آگاہ کیا، کرسٹئین لیگارڈ نے پاکستان کو آئی ایم ایف کی آٹھویں قسط مکمل کرنے پر مبارکباد دی اور پاکستان کی اقتصادی پالیسیوں اور اصلاحات کو سراہا۔

کرسٹئین لیگارڈ سے ملاقات میں وزیراعظم نواز شریف کا کہنا تھا کہ حکومت کی موثر اقتصادی پالیسیوں سے معیشت مستحکم ہورہی ہے۔

وزیراعظم نواز شریف کا کہنا تھا کہ حکومتی کاوشوں سے مالی خسارہ کم ہوا ہے، جبکہ شرح نمو پینتالیس فیصد پر پہنچ گئی ہے۔

وزیراعظم نواز شریف نے کرسٹئین لیگارڈ کو اسٹیٹ بینک کو خودمختار بنانے کے اقدامات سے بھی آگاہ کیا، اور پاکستان کی مالیاتی، مانیٹری اور ڈھانچہ جاتی پالیسیوں سے آگاہ کیا۔

وزیراعظم نواز شریف سے امریکی وزیرخزانہ جیل لیو نے بھی ملاقات کی، جس میں باہمی دلچسپی کے امور پر تبادلہ خیال کیاگیا۔

Print Friendly, PDF & Email

Comments

comments

یہ بھی پڑھیں