بھارتی شورش زدہ ریاست منی پور کے وزیراعلیٰ کی سیکیورٹی ٹیم پر حملہ ہوا ہے۔
انڈین میڈیا کے مطابق منی پور کے وزیراعلیٰ کے سیکیورٹی اسکواڈ پر حملے میں 2 اہلکار زخمی ہوئے ہیں جب کہ وزیراعلیٰ این بیرین سنگھ قافلے میں شامل نہیں تھے۔
وزیراعلیٰ کےسیکیورٹی اسکواڈ پر جریبام ہائی وئے کے قریب حملہ کیا گیا۔ منی پور میں کئی ماہ سے جاری قبائل جھڑپوں میں سیکڑوں افراد ہلاک ہو چکے ہیں۔
- Advertisement -
پولیس ذرائع نے بتایا کہ یہ واقعہ صبح تقریباً 10.40 بجے NH-37 پر کوکی اکثریتی کانگ پوکپی ضلع کے ٹی لائیجنگ گاؤں میں پیش آیا۔ سنگھ کے جیری بام کے دورے کے لیے حفاظتی انتظامات کو یقینی بنانے کے لیے امپھال سے قافلہ بھیجا گیا تھا۔
زخمی پولیس اہلکار کی شناخت موئرنگتھم اجیش کے نام سے ہوئی ہے انہیں کندھے پر گولی لگی ہے۔ سنگھ نے حملے کی مذمت کی اور کہا کہ یہ منی پور کے لوگوں پر حملہ ہے۔
