The news is by your side.

Advertisement

سعودی عرب سے خوش خبریاں

ریاض: سعودی وزیر تعلیم حمد بن محمد آل الشیخ کا کہنا ہے کہ مملکت میں ‘سہ نکاتی فروغ افرادی قوت’ پروگرام کے ذریعے مقامیوں کے لیے نوکریوں کے مواقع بڑھیں گے، نظام تعلیم بھی جدید سوچ پر استوار ہوگا۔

عرب میڈیا کی رپورٹ کے مطابق اپنے ایک بیان میں حمد بن محمد آل الشیخ نے کہا کہ اس پروگرام کا اصل ہدف سعودی شہری ہیں، تعلیمی عمل میں تیزی لائیں گے، ڈگری مکمل کرنے کے فوراً بعد نوجوانوں کو ملازمت دینا مشن کا حصہ ہے، پروگرام کا پہلا نکتہ فروغ افرادی قوت سسٹم میں سب کو مضبوط اور لچکدار بنیاد فراہم کرنا ہے۔

انہوں نے بتایا کہ پروگرام کا دوسرا نکتہ مقامی شہریوں کو لیبر مارکیٹ کے لیے تیار کرنا ہے جو ملکی اور بین الاقوامی سطح پر مقابلہ کرسکیں، تیسرا نکتہ یہ ہے کہ ہر شہری زندگی بھر تعلیم حاصل کرتا رہے۔

وزیر کا کہنا تھا کہ تعلیمی سفر میں طلبا کے تیزی لانا ہمارا بڑا مقصد ہے، چاہتے ہیں 12 برس سے کم مدت میں تعلیم مکمل کرے، یونیورسٹی کا دورانیہ بھی کم ہو اور گریجویشن کے فوری بعد ملازمت مل جائے۔

دریں اثنا وزیر صنعت و معدنیات ابراہیم الخریف نے کہا نیا صنعتی شعبہ سستے کارکنان کے بجائے اچھی صلاحیت والے افراد پر انحصار کرے گا، مملکت 50 سے قائم صنعتی شعبے کے مزاج کو تبدیل کرے گا، سعودی نوجوانوں کو مستقبل کے لیے تیار کریں گے تاکہ وہ مارکیٹ کا ہدف پورا کریں۔

الراجحی کا مزید کہنا تھا کہ چاہتے ہیں کہ لیبر مارکیٹ کی استعداد بڑھے، یہ کام نوجوانوں کو تیار کرکے انجام دیا جائے گا، کوشش ہے سعودی شہری علاقائی و بین الاقوامی مارکیٹوں کے حریف بنیں۔

Comments

یہ بھی پڑھیں