مانسہرہ : 8 سالہ بچی کو اغوا اور زیادتی کی کوشش کرنے والے ملزم کو گرفتار کرلیا گیا ، ملزم سہراب بچی کا پڑوسی اور قریبی رشتے دار نکلا۔
تفصیلات کے مطابق مانسہرہ کے علاقے چھترپلین میں آٹھ سالہ بچی کو اغوا اور زیادتی کی کوشش کرنے والے ملزم کو گرفتار کرلیا گیا۔۔
ایس ایس پی مانسہرہ ریشم جہانگیر نے پریس کانفرنس میں بتایا ملزم سہراب بچی کو پھوپھی کے گھر جاتے ہوئے ورغلا کر جنگل میں لے گیا، ملزم نے بچی سے زیادتی کی کوشش بھی کی۔
ریشم جہانگیر کا کہنا تھا کہ بچی نے گھر والوں کو بتانے کی دھمکی دی تو ملزم نے اسے بھاری پتھر کے نیچے دبا دیا، رات بھر تلاش کے بعد اگلی صبح بچی زخمی حالت میں جنگل سے مل گئی۔
میڈیکل میں بچی سے زیادتی کی تصدیق نہیں ہوئی تاہم بچی کی نشاندہی پر پولیس نے ملزم کو گرفتار کیا، ملزم پڑوسی اور قریبی رشتے دار ہے۔
