کراچی : پیپلزپارٹی کے رہنما منظور وسان نے پیش گوئی کی ہے کہ 2020 خطرناک سال ہے ، بہت سے لوگ تبدیل اور بہت سے نئے لوگ آئیں گے، نواز شریف کی واپسی جلدممکن نہیں مگروہ واپس ضرورآئیں گے۔
تفصیلات کے مطابق پیپلزپارٹی کے رہنما منظور وسان نے نئے سال میں تبدیلی کے سورج کا خواب دیکھ لیا ، میڈیا سے گفتگو کرتے ہوئے کہا 2020 خطرناک سال ہے ، ٹوئنٹی ٹوئنٹی ویسے بھی خطرناک ہوتا ہے، سال 2020میں بہت سی تبدیلیاں سامنےآئیں گی، بہت سےلوگ تبدیل اوربہت سےنئےلوگ آئیں گے۔
نواز شریف کے حوالے سے منظوروسان کا کہنا تھا نوازشریف کی واپسی جلدممکن نہیں مگروہ واپس ضرورآئیں گے، وہ 2020میں وطن واپس آئیں گے۔
پی پی رہنما نے مزید کہا آصف زرداری کاکیس سندھ کاہے،جلدی باہرجانےکیلئےتیارنہیں، سندھ میں کیس کامنتقل ہونابہت ضروری ہے، زرداری صاحب کی طبیعت حقیقتاً خراب ہے، ایک کو ریلیف دیا ہے تو اوروں کو بھی ملنا چاہیے۔
ان کا کہنا تھا کہ سختیاں نئی نہیں ،پہلےبھی جیل جاچکےقربانیاں دی ہیں، بلاول بھٹوکی قیادت میں پی پی عوام کیلئےآواز اٹھاتی رہےگی، ہماری ٹوئنٹی ٹوئنٹی میں فتح ہوگی۔
منظور وسان نے کہا کہ جب تک حکومت تبدیل نہیں ہوتی عوام کو ریلیف ملنا ممکن نہیں۔
اس سے قبل آمدن سے زائداثاثوں کے کیس میں پیپلزپارٹی کےرہنما منظور وسان سندھ ہائی کورٹ میں پیش ہوئے ، نیب پراسیکیوٹر نے کہا منظوروسان کے خلاف تحقیقات مکمل کرلیں اور ریفرنس منظوری کیلئے نیب ہیڈکوارٹرز بھیج دیا گیا ہے۔
بعد ازاں عدالت نے ریفرنس دائر کرکے رپورٹ12فروری کو پیش کرنے کا حکم دیا۔
