کراچی: سینئر سیاستدان اور پیپلزپارٹی کے رہنما منظور وسان نے وزارت عظمیٰ پیش گوئی کی ہے کہ وزیراعظم 3 سال بعد کوئی اور ہوسکتاہے۔
تفصیلات کے مطابق اپنے سیاسی پیش گوئی کے لیے مشہور پیپلزپارٹی کے سینئررہنما منظور وسان نے کوٹ ڈیجی میں میڈیاسے گفتگو میں کہا کہ وزیراعظم 3 سال بعد کوئی اور ہوسکتاہے اسمبلیوں کی مدت پوری ہوگی۔
منظور وسان نے کہا کہ بانی پی ٹی آئی خود کو مصیبت میں ڈالنے کی کوشش کر رہا ہے، آگے چل کر بانی پی ٹی آئی پریشان ہوگا اور اپنی غلطیوں کا اعتراف کریگا جبکہ آنے والے دنوں میں لوگ تحریک انصاف چھوڑ کر چلے جائیں گے۔
- Advertisement -
سینئر سیاستدان نے کہا کہ جی ڈی اے کی تحریک ختم ہوجائے گی یہ پرانی تنخواہ پر کام کریں گے، عوامی مفاد میں جو کام ہوگا اس پر ن لیگ کا ساتھ دیں گے۔
