The news is by your side.

Advertisement

بھارتی زمین پر گپٹل نے کوہلی کو پیچھے چھوڑ دیا

نیوزی لینڈ کے جارحانہ اوپنر مارٹن گپٹل ٹی ٹوئنٹی کرکٹ کے بے تاج بادشاہ بن گئے۔

دائیں ہاتھ کے بلے باز گپٹل نے ویرات کوہلی کو پیچھے چھوڑتے ہوئے ٹی ٹوئنٹی میں سب سے زیادہ رنز بنانے کا ‏ریکارڈ اپنے نام کر لیا۔

گپٹل نے ویرات کوہلی کا ریکارڈ بھارتی سرزمین پر بھارت کے خلاف ہی توڑا، وہ 3248 رنز کے ساتھ ٹی ٹوئنٹی کے ‏ٹاپ اسکورر بن گئے۔

مایہ ناز بلے باز نے یہ ریکارڈ 111 میچز کی 107 اننگز میں بنایا جس میں 2 سنچریاں اور 19 نصف سنچریاں شامل ‏ہیں۔ ‏

Image

اس فہرست میں ویرات کوہلی 3227 رنز کے ساتھ دوسرے نمبر پر ہیں تاہم وہ اب تک مختصر فارمیٹ میں کوئی ‏سنچری نہیں بنا سکے۔

بھارتی اوپنر روہت شرما 3086 رنز کے ساتھ تیسرے نمبر پر ہیں۔ ٹاپ ٹین بلے بازوں میں پاکستان کے بابراعظم 2514 ‏رنز کے ساتھ ساتویں اور شعیب ملک نویں نمبر پر ہیں جنہوں نے 2435 رنز بنا رکھے ہیں۔

Comments

یہ بھی پڑھیں