اسلام آباد : جرمن سفیر مارٹن کوبلر نے کہا ہے کہ ڈبلیو ایچ او اور گیٹس فاؤنڈیشن کے ساتھ مل کر پاکستان سے پولیو کا خاتمہ کرسکتے ہیں، یہاں سلیکون ویلی بننے کا منتظر ہوں۔
تفصیلات کے مطابق پاکستان میں تعینات جرمنی کے سفیرمارٹن کوبلر نے سماجی رابطے کی ویب سایٹ پر ٹویٹ کرتے ہوئے کہا ہے کہ معروف امریکی کمپنی مائیکروسافٹ کے بانی بل گیٹس کی جانب سے پاکستان کے آئی ٹی سیکٹر میں سرمایہ کاری کی خواہش ظاہر کرنا، ملک کے لیے اچھی خبر ہے۔
Good news coming in for #Pakistan. great that @BillGates wants to invest in IT sector. Looking forward towards ‘Pakistan Silicon Valley’! @WHO & @gatesfoundation together with the people of pak can #EndPolio.#Germany also contributes to #Polio_Eradication pic.twitter.com/RmQoeQwuPC
— Martin Kobler (@KoblerinPAK) January 9, 2019
جرمن سفیر مارٹن کوبلرکا ٹویٹ میں کہنا تھا کہ ’پاکستان کو سلیکون ویلی کی جانب بڑھتا ہوا دیکھ رہا ہوں‘۔
مارٹن کوبلر نے پاکستان کی قومی زبان اردو میں بھی ٹویٹ کرتے ہوئے کہا کہ ڈبلیو ایچ او، بل گیٹس فاؤنڈیشن اورپاکستان کے لوگوں کے ساتھ مل کر پولیو کا خاتمہ کرسکتے ہیں۔ جرمنی بھی پولیو کو جڑ سے ختم کرنے کےلیے کردار ادا کررہا ہے۔
پاکستان کے لئے اچھی خبر! زبردست بات ہےکہ @BillGates آئی-ٹی کے شعبے میں سرمایہ کاری کرناچاہتے ہیں۔ ‘پاکستان سلکان ویلی’ کی جانب دیکھ رہا ہوں! @WHO اور @gatesfoundation پاکستان کے لوگوں کے ساتھ مل کر پولیو ختم کرسکتےہیں۔#Germany بھی #Polio_Eradication کیلئےاپنا کردار ادا کرتاہے pic.twitter.com/L92TNPDltq
— Martin Kobler (@KoblerinPAK) January 9, 2019
مزید پڑھیں : ابل گیٹس کا وزیر اعظم کو خط، پاکستان میں سرمایہ کاری کی خواہش کا اظہار
خیال رہے کہ گذشتہ روز دنیا کے امیر ترین شخص تصور کیے جانے والے مائیکروسافٹ کمپنی کے بانی بل گیٹس نے وزیراعظم عمران خان کو خط لکھ کر پاکستان میں سرمایہ کاری کا ارادہ ظاہر کیا تھا۔
یاد رہے کہ 5 دسمبر 2018 کو بل گیٹس نے وزیر اعظم خان سے ٹیلی فونک رابطہ کیا تھا ، اس موقع پر بل گیٹس نے پولیو کے خاتمے کی کاوشوں پر وزیراعظم عمران خان کوخراج تحسین پیش کرتے ہوئے مختلف شعبوں میں تعاون جاری رکھنے کی یقین دہانی کرائی تھی۔
مزید پڑھیں: بل گیٹس کا پولیو کے خاتمے کی کاوشوں پروزیراعظم عمران خان کوخراج تحسین
تجزیہ کاروں کے مطابق مائیکرو سافٹ کی جانب سے پاکستان میں سرمایہ کاری کے لیے دل چسپی ظاہر کرنا ایک اہم اقدام ہے، جس سے نہ صرف پاکستان کی معیشت میں بہتری آئے گی، بلکہ روزگار کے نئے موقع بھی پیدا ہوں گے۔
