اسلام آباد: پاکستان میں تعینات جرمنی کے سفیر مارٹن کوبلر کا کہنا ہے کہ پی ایس ایل لوگوں اور ملک کے لیے ایک صحت مند سرگرمی ہے۔
تفصیلات کے مطابق پاکستان میں تعینات جرمنی کے سفیر مارٹن کوبلر نے ٹویٹر پر اپنے پیغام میں کہا کہ واہ ! پی ایس ایل فائنل کیا گیم تھا۔
مارٹن کوبلر نے پی ایس ایل فائنل میں جیت پرکوئٹہ گلیڈی ایٹرز،سرفرازاحمد ، بلوچستان اور پاکستان کو مبارکبا دی۔
Wow! What a game!! #PSLFinal Congratulations @TeamQuetta , @SarfarazA_54 & the people of #Balochistan & CONGRATULATIONS PAKISTAN!!! Impressively charged crowd & packed stadium!! Such cricket loving nation!#PSL very healthy activity for the people & country!! pic.twitter.com/9R3obKYJ52
— Martin Kobler مارٹن کوبلر (@KoblerinPAK) March 18, 2019
جرمن سفیر نے کہا کہ پُرجوش شائقین،بھرا اسٹیڈیم، پاکستانی کرکٹ سے محبت کرنے والے لوگ ہیں، پی ایس ایل لوگوں اور ملک کے لیے ایک صحت مند سرگرمی ہے۔
یاد رہے کہ گزشتہ روز کوئٹہ گلیڈی ایٹرز نے پی ایس ایل فائنل میں پشاور زلمی کو 8 وکٹوں سے شکست دے کر ٹائٹل اپنے نام کیا تھا۔
کوئٹہ گلیڈی ایٹرز نے پہلی بار پی ایس ایل ٹائٹل جیت لیا
پی ایس ایل فائنل میں پہلے بیٹنگ کرتے ہوئے پشاور زلمی نے 139 رنز کا ہدف دیا جسے کوئٹہ گلیڈی ایٹرز کی ٹیم نے 18 ویں اوور میں حاصل کرلیا تھا۔
کوئٹہ گلیڈی ایٹرز کی جانب سے محمد حسنین نے 3، ڈیوین براوو نے 2، محمد نواز اور فواد احمد نے ایک ایک وکٹ حاصل کی تھی۔
