اسلام آباد: وفاقی وزیرِ اطلاعات و نشریات مریم اورنگزیب نظرِ بد کا شکار ہوگئی ہیں جس کے تدارک کے لیے ان کے اہلِ خانہ نے نظراتارنے کےصدیوں قدیم لیکن آزمودہ طریقہ کار کو اپناتے ہوئے انڈوں کی مدد سے ان کی نظراتاری ہے۔
اے آروائی نیوز کو ایک ویڈیو موصول ہوئی ہے جس میں دیکھا جاسکتا ہے کہ ایک عمر رسیدہ خاتون زیرِ لب کچھ پڑھتے ہوئے وفاقی وزیر کے اوپر سے انڈے اتار رہی ہیں۔
نظر بد کا علاج، قومی جانور کے سینگ سے بنی انگوٹھی
ویڈیو میں دیکھا جاسکتا ہے کہ مسلم لیگ ن سے تعلق رکھنے والی منسٹر مریم اورنگزیب کی نظر چھ انڈوں سے اتاری گئی ہے۔ نظراتارنے کے بعد ایک ایک کرکے تمام انڈے ان کے ہاتھ میں تھمائے گئے۔
یاد رہے کہ دنیا میں مختلف عقیدوں سے تعلق رکھنے والے کئی لوگ یہ یقین رکھتے ہیں کہ انسان نظرِ بد کا شکار ہوتا ہے اور اس کے اثرات صحت‘ معاشی معاملات اور خانگی حالات پر پڑتے ہیں اور اس کے تدارک کے لیے نظرِبد رفع کرنے کے لیے کئی طریقے استعمال کیےجاتے ہیں جن میں سب سے آسان اور سریع الاثر طریقہ انڈوں سے نظراتارنا ہے۔
