تازہ ترین

براہ راست: پی ٹی آئی کا مینارِ پاکستان پر جلسہ

لاہور: پاکستان تحریک انصاف کے تحت مینار پاکستان پر...

صدر کا خط، نواز شریف نے وزیر اعظم کو اہم ہدایت کر دی

اسلام آباد: وزیر اعظم شہباز شریف نے صدر مملکت...

یہ لوگ مینار پاکستان جلسے کو ناکام بنانا چاہتے ہیں، عمران خان

لاہور : تحریک انصاف کے چیئرمین عمران خان کا...

میرا دل کہہ رہا ہے یہ جلسہ تمام ریکارڈ توڑ دے گا، عمران خان

لاہور : پاکستان تحریک انصاف کے چیئرمین عمران خان...

نفسیاتی خاتون بغض عمران میں مبتلا ہے، عالیہ حمزہ

لاہور : پاکستان تحریک انصاف کے رہنماؤں نے ن لیگ کی چیف آرگنائزر مریم نواز کی جانب سے عمران خان پر لگائے جانے والے الزامات کے جواب میں شدید ردعمل کا اظہار کرتے ہوئے انہیں نفسیاتی خاتون قرار دیا ہے۔

اس حوالے سے پی ٹی آئی کی خاتون رہنما عالیہ حمزہ نے اپنے بیان میں کہا ہے کہ یہ نفسیاتی خاتون بغض عمران میں مبتلا ہے جو منہ پر پلاسٹر لگانے کیلئے ہر تھوڑے عرصے بعد سرجری کراتی ہے، وہ عمران خان کو پلاسٹر کا طعنہ دے رہی ہے۔

عالیہ حمزہ کا کہنا تھا کہ کلیجہ چبانے والی عورت نے اپنی گندی زبان سے آج ثابت کردیا کہ وہ عورتوں کی کردارکشی کرنے والے بھگوڑے شخص کی بیٹی ہے۔

انہوں نے کہا کہ اس بار ہم حکومت میں آکر پناہ گاہوں کے ساتھ پاگل خانے بھی کھولیں گے، وہاں مریم جھوٹی جیسے نفسیاتی مریضوں کا مفت علاج کیا جائے گا، ہمارے لیڈر کو چھوڑیں، آپ اور آپ کی کنیزوں کیلئے میں اکیلی ہی کافی ہوں۔

مریم نواز کے خطاب پر پاکستان تحریک انصاف کے رہنما فرخ حبیب نے اپنے ردعمل میں کہا کہ کوئی رہ تو نہیں گیا جس نے ہٹے کٹے نوازشریف کو مرنے کی اداکاری کرتے نہیں دیکھا؟

انہوں نے کہا کہ کوئی رہ تو نہیں گیا جس نے پلیٹ لیٹس کٹی ہوئی پتنگ کی طرح گرتے نہیں دیکھے، کوئی رہ تو نہیں گیا جس نے نوازشریف کو علاج کے بہانے یہاں سے بھاگتے نہیں دیکھا۔

فرخ حبیب کا کہنا تھا کہ بگڑی دختر جس شہر کا رخ کرتی ہے عوام اس سے حقارت اور بیزاری کا بھرپور اظہار کرتے ہیں، خرافات کی تشہیر پر لگا کر مشکل سے کھڑے کیے گئے سرکاری ٹی وی کو پھر تباہ کردیا گیا ہے۔

مزید پڑھیں : پولیس جب زمان پارک پہنچی تو عمران خان چارپائی کے نیچے چھپ گیا، مریم نواز

یاد رہے کہ مسلم لیگ نون کی سینئر نائب صدر مریم نواز نے شیخوپورہ میں ورکرز کنونشن سے خطاب کرتے ہوئے عمران خان کو مخاطب کرتے ہوئے کہا تھا کہ قوم تم سے پوچھتی ہے چوری نہیں کی تو تلاشی کیوں نہیں دیتے؟ صرف چوریاں نہیں چھپائی، تم نے اپنی بیٹی بھی چھپائی، جب زمان پارک پولیس پہنچی تو عمران خان چارپائی کے نیچے چھپ گیا اور جب تک پولیس واپس نہیں گئی چارپائی کے نیچے ہی رہا۔

Comments