اسلام آباد: شریف خاندان کے لئے مزید مشکلات، اسلام آبادہائیکورٹ نے مریم نواز ،کیپٹن(ر) صفدر کے خلاف نیب اپیلیں سماعت کیلئےمقرر کردیں۔
اسلام آباد ہائیکورٹ نے العزیزیہ اور ایون فیلڈ ریفرنس میں نوازشریف کی دونوں اپیلیں خارج کرتے ہوئے سزا برقرار رکھنے کا فیصلہ سنایا تھا، تاہم آج عدالت نے نےمریم نواز ،کیپٹن(ر)صفدر کے خلاف نیب اپیلیں سماعت کیلئےمقرر کردیں۔
اس سلسلے میں عدالتی حکم نامہ بھی جاری کیا گیا جس میں کہا گیا کہ آئندہ سماعت پر مریم نواز ،کیپٹن (ر)صفدر اپنے کیسز میں پیش ہوں، عدالتی حکم نامے میں تشریح بھی کی گئی ہے کہ مریم نواز کی کرمنل اپیل نمبر 122 سماعت کیلئے مقرر کی گئی جبکہ کیپٹن(ر) صفدرکی کرمنل اپیل نمبر 123 کو بھی سماعت کے لئے مقرر کیا گیا ہے۔
یہ بھی پڑھیں: العزیزیہ اور ایون فیلڈ ریفرنس میں نوازشریف کی اپیلیں خارج، سزا برقرار
عدالتی حکم نامے میں کہا گیا کہ نیب کی کرمنل اپیل نمبر 2/2019 کو سماعت کیلئے مقرر کیا گیا ہے جس میں نیب نے نواز شریف کی سزا بڑھانےکی استدعا کی ہے، اسی طرح کرمنل اپیل نمبر 3 /2019 کو بھی سماعت کیلئے مقرر کیا گیا، نیب کی اپیل نمبر 3فلیگ شپ میں نواز شریف کی بریت کے خلاف ہے۔
گذشتہ روز اسلام آباد ہائیکورٹ نے العزیزیہ اور ایون فیلڈ ریفرنس میں نوازشریف کی دونوں اپیلیں خارج کرتے ہوئے سزا برقرار رکھنے کا فیصلہ سنایا تھا،ہائیکورٹ نے فیصلے میں احتساب عدالت کی جانب سے نواز شریف کو دی گئیں سزائیں برقرار رکھی گئیں۔
یاد رہے کہ احتساب عدالت نے نواز شریف کو ایون فیلڈ ریفرنس میں 10سال اور العزیزیہ ریفرنس میں 7سال سزا سنائی تھی۔
