لاہور : مسلم لیگ ن کی چیف آرگنائزر مریم نواز نے رجب طیب اردوان کو دوبارہ کامیابی پر مبارکباد دیتے ہوئے کہا کہ آپ کی جیت ترک عوام کے اعتماد اور حمایت کا منہ بولتا ثبوت ہے۔
تفصیلات کے مطابق مسلم لیگ ن کی چیف آرگنائزر مریم نواز نے ترکیہ کے صدارتی الیکشن میں رجب طیب اردوان کو دوبارہ کامیابی پر مبارکباد دی۔
مریم نواز کا کہنا تھا کہ آپ کی جیت ترک عوام کے اعتماد اور حمایت کا منہ بولتا ثبوت ہے، آپ کی قیادت ترکیہ کی خوشحالی اورترقی کی طرف رہنمائی کرتی رہے۔
پاکستان اور ترکیہ کےدرمیان بھائی چارےاور دوستی کا اٹوٹ رشتہ ہے، یقین ہے آنے والے سالوں میں ہمارے تعلقات مزید مضبوط ہوں گے۔
Congratulations to President Recep Tayyip Erdogan on his re-election! 🇹🇷
Your victory is a testament to the trust and support of the Turkish people. May your leadership continue to guide Turkey towards prosperity and progress.
Pakistan and Turkey share an unbreakable bond of…
— Maryam Nawaz Sharif (@MaryamNSharif) May 29, 2023
یاد رہے رجب طیب اردوآن 54.47 فیصد ووٹ لے کر تیسری بار ترکیے کے صدر منتخب ہوئے، سپریم الیکشن کونسل کے چیئرمین احمت ینیرنے نتائج کا اعلان کرتے ہوئے بتایا کہ اردوآن نے چون اعشاریہ چار سات فیصد ووٹ حاصل کیے، کمال اوغلو نے سنتالیس فیصد ووٹ لیے، جس پر انہوں نے شکست تسلیم کرلی۔
رجب طیب اردوآن تیسری بات صدر منتخب ہوئے تو صدارتی محل کے باہر عوام کا سمندر اُمڈ آیا اور صوفیہ تکبیر کے نعروں سے گونج اٹھا جبکہ استنبول اور انقرہ سمیت کئی شہروں میں ترک عوام نے جشن منایا اور شاندار آتش بازکی۔
صدارتی محل کے باہر لاکھوں افراد سے خطاب میں اردوآن نے کہا یہ سلطنتِ عثمانیہ جیسا ٹرننگ پوائنٹ ہے، یہ متحد ہونے اور کام کرنے کا وقت ہے، ہم مل کر اسے ترکی کی صدی بنائیں گے۔
رجب طیب اردوآن نے زلزلہ زدگان کی آبادکاری کو اولین ترجیح قراردیتے ہوئے مہنگائی کم کرنے کا بھی اعادہ کیا۔
