"پتنگ کی ڈور سے جاں بحق ہونے والے نوجوان کی ویڈیو دیکھ کر دل کانپ گیا”

لاہور: مریم نواز نے ایک نوجوان کی موت پر افسوس کا اظہار کرتے ہوئے کہا ہے کہ پتنگ کی ڈور سے جاں بحق ہونے والے نوجوان کی ویڈیو دیکھ کر ان کا دل کانپ گیا۔

وزیر اعلیٰ پنجاب مریم نواز نے صوبے میں دھاتی ڈور بنانے، بیچنے اور خریدنے والوں کے خلاف کریک ڈاؤن کی ہدایت کی ہے، انھوں نے کہا پتنگ کی ڈور سے جاں بحق ہونے والے نوجوان کی ویڈیو دیکھ کر میرا دل کانپ گیا۔

فیصل آباد میں پتنگ کی ڈور ایک اور زندگی نگل گئی#ARYNews pic.twitter.com/T8xAib7EBA

— ARY NEWS (@ARYNEWSOFFICIAL) March 24, 2024

مریم نواز نے کہا نوجوان کی جان جانے سے والدین کی دنیا تباہ ہو گئی، کیس کرنا کافی نہیں ملزم کو سزا ہونی چاہیے۔

آصف کی موت کے بعد پتنگ بازوں کے خلاف کریک ڈاؤن

امن او امان سے متعلق اجلاس میں وزیر اعلیٰ نے کہا کہ صوبے میں زیادتی کے واقعات میں کمی آنی چاہیے، ریپ کے کیس میں ملزم کو سزا دے کر نشان عبرت بنایا جائے۔

Comments