لاہور : وزیراعلیٰ پنجاب مریم نواز نے نوجوانوں کے عالمی دن پر بڑی خوشخبری سناتے ہوئے کہا کہ نوجوان طلبہ کو ای اور پٹرول بائیکس دینے کا دوسرا فیز جلد لائیں گے۔
تفصیلات کے مطابق وزیراعلیٰ پنجاب مریم نواز نے نوجوانوں کے عالمی دن پرپیغام میں کہا کہ نوجوان قوم کا سرمایہ اور مستقبل کے معمار ہیں، حکومت نوجوانوں کواپنےخوابوں کوحقیقت میں بدلنےکےمواقع دےرہی ہے۔
وزیراعلیٰ پنجاب کا کہنا تھا کہ چیف منسٹر یوتھ انیشیٹیوز کےتحت نوجوانوں کی فلاح و بہبودکیلئےمتعدد پروگرامز جاری ہیں، نوجوان طلبہ کی آسانی کے لئے ای اور پٹرول بائیکس دی گئیں دوسرے فیز جلد لائیں گے۔
انھوں نے بتایا کہ مسلم لیگ ن نوجوانوں کو پھر سےلیپ ٹاپ اسکیم دے رہی ہے ، جلد نوجوانوں کو اعلیٰ تعلیم کےوظائف دئیے جائیں گے، کسی نوجوان کی تعلیم میں فیس کی کمی آڑے نہیں آئے گی۔
وزیراعلیٰ نے مزید کہا کہ ارشد ندیم نوجوانوں کیلئے محنت سے کامیابی کے حوالے سے ایک درخشاں مثال ہے، نوجوانوں کےہاتھوں میں پتھر،پٹرول بم کےبجائےلیپ ٹاپ،کتابیں،ڈگریاں دیکھناچاہتی ہوں۔
