site
stats
پاکستان

سترہ ستمبر کو لاہور میں عدالت سجے گی اورعوام فیصلہ سنائیں گے، مریم نواز

لاہور : مریم نواز نے کہا ہے کہ نواز شریف نے سپریم کورٹ کا فیصلہ مان لیا لیکن عوام نے یہ فیصلہ قبول نہیں کیا ہے اور عوام کی عدالت کا فیصلہ ہر کسی کو ماننا پڑے گا.

ان خیالات کا اظہار انہوں نے لاہور میں ورکز کنونشن سے خطاب کرتے ہوئے کیا انہوں نے کہا کہ نواز شریف کا ہر چاہنے والا وکیل بن کر مقدمہ لڑ رہا ہے اور لوگوں نے بتا دیا ہے کہ نواز شریف کے ساتھ ظلم منظور نہیں.

مریم نواز نے کہا کہ کیس پاناما لیکس پر چلا اور فیصلہ اقامہ پر نوازشریف کے خلاف آیا لیکن اس سے اور تو کچھ نہیں ہوا لیکن سازش کرنے والوں کی چھٹی ہوگئی جب کہ نواز شریف آج بھی لوگوں کے دلوں کا حکمراں ہے.

انہوں نے تحریک انصاف کو تنقید کا نشانہ بناتے ہوئے کہا کہ جلسے کی خالی کرسیاں کسی کی ناکامی کی داستان سنا رہی ہیں اور یہ خالی کرسیاں بتا رہی ہیں کہ سازش کی سیاست اور مہروں کا مستقبل تاریک ہے.

مریم نواز نے مخالفین پر سوالات کی بوچھاڑ کرتے ہوئے پوچھا کہ سوال کیا کہ 20 کروڑ کے پاکستانوں کا فیصلہ سازشی عناصر کریں گے یا منتخب وزیراعظم ؟ 17 ستمبر کے ضمنی الیکشن کے نتائج بعد سازشیوں اور ان کے مہروں سے پوچھنا کہ ن لیگ جیتی تو کیا معافی مانگو گے ؟ نواز شریف کے خلاف فیصلہ غلط تسلیم کرو گے یاعوام کو بھی نااہل کرو گے ؟

انہوں نے کہا کہ اب نواز شریف کی پرواز کو کوئی نہیں روک سکتا پاناما کیس میں منصف مدعی بن گئے تھے لیکن آج میں عوام کی جے آئی ٹی میں کھڑی ہوں اور 17 ستمبر کوعوام کی جے آئی ٹی میں مدعی عوام ہوں گے اورجج بھی عوام ہوں گے اور فیصلہ عوام کی عدالت دے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top