The news is by your side.

Advertisement

مریم نواز کل کراچی پہنچیں گی

کراچی: مسلم لیگ ن کی مرکزی نائب صدر مریم نواز کل کراچی پہنچیں گی۔

تفصیلات کے مطابق ذرایع کا کہنا ہے کہ مریم نواز کل 12 بجے کراچی پہنچیں گی، اور شہر قائد میں منعقد ہونے والے پی ڈی ایم کے دوسرے جلسے میں شرکت کریں گی۔

ذرایع نے بتایا ہے کہ مریم نواز کراچی پہنچنے کے بعد مزار قائد پر حاضری بھی دیں گی۔

یاد رہے کہ گزشتہ روز پنجاب کے شہر گوجرانوالہ کے جناح اسٹیڈیم میں پاکستان ڈیموکریٹک موومنٹ نے حکومت کے خلاف اپنے پہلے جلسے کے ذریعے پاور شو کیا تھا۔

جلسے کی کامیابی پر مریم نواز کی مبارک باد

مریم نواز نے گوجرانوالہ جلسے میں خطاب کرتے ہوئے کہا تھا کہ ہمیں سسلین مافیا کہا جا رہا تھا، اب پتا چلا کہ مافیا کیا ہوتا ہے؟ پہلے چیزیں غائب کرتے ہیں پھر قیمتیں بڑھا کر چیزیں واپس لے آتے ہیں، موجودہ حکومت کی کرپشن کی داستانیں سامنے آئیں گی تو لوگ کانوں کو ہاتھ لگائیں گے۔

انھوں نے خطاب میں کہا تھا کہ وہ جلسے میں مہنگائی کے مارے عوام اور تاجروں کا مقدمہ لے کر آئی ہیں، انھوں نے کہا ووٹ کو عزت نہیں ملتی تو عوام کا وہ حال ہوتا ہے جو آج سب کا ہو رہا ہے۔

Comments

یہ بھی پڑھیں