اسلام آباد : مسلم لیگ ن کی سینئر نائب صدر مریم نواز کو اسلام آباد آمد پر وفاقی حکومت کی جانب سے شاہی پروٹوکول فراہم کیا گیا۔
تفصیلات کے مطابق مسلم لیگ ن کی سینئر نائب صدر مریم نواز کو کواسلام آباد میں قیام کے دوران وی آئی پی پروٹوکول دیدیا گیا۔
مریم نواز کی اسلام آباد آمد پر وفاقی حکومت کی جانب سے سیکیورٹی و پروٹوکول فراہم کیا گیا۔
مریم نواز کی سیکیورٹی کیلئے ڈی ایس پی پارلیمنٹ لاجز فاروق احمد کی نگرانی میں سیکورٹی پلان مرتب کیا گیا ہے۔
مریم نواز کی سیکورٹی پر پولیس کے 8 جوان، 4 افسران اور ایف سی کے 4 اہلکار مقرر کئے گئے ہیں ، سیکورٹی پر مامور اہلکاروں کو ڈیوٹی کے دوران موبائل استعمال کرنے کی اجازت نہیں ہوگی۔
حکم نامے میں کہا گیا ہے کہ ایس ایس پی سیکورٹی کو بھی مریم نواز کی موومنٹ اور قیام کے دوران سیکورٹی فراہم کرنے سے متعلق آگاہ کر دیا گیا ۔
چیف ٹریفک آفیسر کو مریم نواز کے قیام کے دوران پارکنگ اور ٹریفک کے مناسب انتظام کے لئے بھی آگاہ کیا گیا۔
مریم نواز کے اسلام آباد میں قیام کے دوران اسپیشل برانچ سادہ کپڑوں میں ملبوس اہلکاروں کو تعینات کردیا گیا ہے۔
ل ممن
