لاہور : مسلم لیگ ن کی نائب صدر مریم نواز کے شوہر کیپٹن (ر)صفدر بھی کورونا وائرس میں مبتلا ہوگئے۔
تفصیلات کے مطابق مقامی عدالت میں کیپٹن ر صفدر کیخلاف سرکار میں مداخلت کے مقدمے کی سماعت ہوئی ، کیپٹن (ر)صفدر کی جانب سے کورونا کی رپورٹ عدالت میں جمع کرادی گئی۔
عدالت نےکیپٹن (ر)صفدر کی ایک روزہ حاضری معافی کی درخواست منظورکرلی اور 16 ستمبر کو طلب کرلیا۔
خیال رہے کیپٹن (ر) صفدر کیخلاف تھانہ اسلام پورہ میں کارسرکار میں مداخلت کا مقدمہ درج ہے اور پولیس نے چالان ضلع کچہری کی عدالت میں جمع کروا رکھا ہے۔
یاد رہے 4 جون کو عدالت نے بغاوت کے مقدمے اور اشتعال انگیز تقریر کیس میں کیپٹن (ر)صفدر پر فرد جرم عائد کی تھی تاہم کیپٹن صفدر نے صحت جرم سے انکار کیا تھا۔
خیال رہے 16 جولائی کو مسلم لیگ ن کی نائب صدر مریم نواز کا کوروناکا ٹیسٹ مثبت آیا تھا ، جس کے بعد انھوں نے خود کو گھر میں قرنطینہ کر لیا تھا۔
