The news is by your side.

Advertisement

ٹویٹر پر مریم نواز کی خاموشی ثابت کرتی ہے یہ بزدل لوگ ہیں، فیصل واوڈا

کراچی: وفاقی وزیر آبی وسائل فیصل واوڈا نے کہا ہے کہ ٹویٹر پر مریم نواز کی خاموشی ثابت کرتی ہے یہ بزدل لوگ ہیں۔

تفصیلات کے مطابق سماجی رابطے کی ویب سائٹ ٹویٹر پر وفاقی وزیر فیصل واوڈا نے اپنے پیغام میں کہا کہ کئی ہفتوں پہلے ہی ن لیگ کے رہنماؤں کی اصلیت بتا دی تھی۔

فیصل واوڈا نے کہا کہ نام نہاد جمہوری لوگ اپنی چوری بچانے کے لیے کچھ بھی کرسکتے ہیں، شاید وہ بھول گئے یہ 2013 ہے نہ اس دور کے لوگ موجود ہیں، اس وقت وزیراعظم عمران خان ہیں۔

وفاقی وزیر نے کہا کہ ٹویٹر پر مریم نواز کی خاموشی ثابت کرتی ہے یہ بزدل لوگ ہیں، حکومت ان لوگوں کو ملک سے بھاگنے نہیں دے گی، ان سے باتیں ہی کروا لو کہ ووٹ کو عزت دو۔

مریم نواز کو کسی صورت بیرون ملک جانے کی اجازت نہیں دیں گے، فیصل واوڈا

یاد رہے کہ گزشتہ ماہ وفاقی وزیر آبی وسائل فیصل واوڈا کا کہنا تھا کہ مریم نواز کو کسی صورت ملک سے باہر جانے کی اجازت نہیں دیں گے۔

فیصل واوڈا کا کہنا تھا کہ یہ کیا طریقہ ہے کہ امیر قیدی انگور کھارہا ہے اورغریب جیل میں ہے، عمران خان بھی واضح کہہ چکے ہیں کہ اب ایسی سہولت نہیں دیں گے، عدالت نام نکالنے کا فیصلہ دیتی ہے تو اس کو چیلنج کریں گے۔

fb-share-icon0
Tweet 20

Comments

comments

یہ بھی پڑھیں