شوبز انڈسٹری کی معروف اداکارہ مریم نور کی دلچسپ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ مریم نور نے ویڈیو شیئر کی جس میں انہیں شادی کی سالگرہ سے متعلق مزاحیہ تاثر دیتے دیکھا جاسکتا ہے۔
مریم نور نے ویڈیو میں شوہر کو مخاطب کرتے ہوئے لکھا کہ ’شادی کی سالگرہ مبارک میری محبت‘
ویڈیو میں آواز آتی ہے کہ جب آپ کے شوہر فضول مذاق کریں اور آپ جانتی ہیں کہ شادی کی سالگرہ قریب ہے۔‘
مریم نور ویڈیو میں سنجیدگی، ہنسی اور غصے میں دکھائی دیتی ہیں۔
انہوں نے چند گھنٹوں قبل یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
مریم نور سوشل میڈیا پر کافی متحرک رہتی ہیں اور اکثر ویڈیو، تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی انہوں نے شادی کی تقریب کی ویڈیو شیئر کی تھیں جو وائرل ہوگئیں۔
واضح رہے کہ مریم نور گزشتہ سال نومبر میں اسماعیل بٹ کے ساتھ رشتہ ازدواج میں منسلک ہوئیں۔
یاد رہے کہ مریم نور ڈرامہ سیریل ’تقدیر‘ میں ’زونی‘ سمیع خان (اسد) کی بہن کا کردار ادا کیا تھا، دیگر کاسٹ میں علیزے شاہ، جاوید شیخ، خالد انعم، صبا فیصل، عینی زیدی، عاصم محمود، عالیہ علی، زین افضل، انوشے، حنا رضوی ودیگر شامل تھے۔
تقدیر کی ہدایت کاری کے فرائض محسن طلعت نے انجام دیے۔
