پاکستان مسلم لیگ ن کی نائب صدر مریم نواز نے کہا ہے کہ سپریم کورٹ کو چوکنا رہنا ہوگا اور سیاسی لڑائی سے خود کو الگ رکھنا ہوگا۔
پاکستان مسلم لیگ ن کی نائب صدر مریم نواز نے سماجی رابطوں کی ویب سائٹ ٹوئٹر پر اپنے ٹوئٹ میں عمران خان کا نام لیے بغیر طنز کرتے ہوئے کہا ہے کہ فتنہ خان کی آئیں بائیں شائیں سوائے شرمندگی کے کچھ نہیں، 30 لاکھ کے دعوے کے برعکس 20 ہزار بھی جمع نہ کرسکے۔
مریم نواز نے اپنے ٹوئٹ میں مزید لکھا کہ انقلاب اپنا راستہ خود بناتا ہے پولیس کے روکنے سے نہیں رکتا، عوام نے اس کو پہچان کر مسترد کردیا ہے اور بیچارے کی ذہنی حالت قابل رحم ہوگئی ہے۔
فتنہ خان کی آئیں بائیں شائیں سوائے شرمندگی اور ناکامی کے اعتراف کے اور کچھ بھی نہیں۔30 لاکھ کے دعوے کے برعکس 20 ہزار بھی جمع نا کر سکنے پر بیچارے کی ذہنی حالت قابلِ رحم ہو گئی ہے۔عوام نے اسکو پہچان کر مسترد کر دیا ہے۔انقلاب اپنا راستہ خود بناتا ہے، پولیس کے روکنے سے سے نہیں رکتا
— Maryam Nawaz Sharif (@MaryamNSharif) May 27, 2022
لیگی رہنما نے ٹوئٹ میں یہ بھی کہا ہے کہ فتنہ خان سپریم کورٹ کو چند دن پہلے تک گالیاں دے رہا تھا آج اسی سپریم کورٹ کی آڑ لے کر انتشار کے ایجنڈے کی تکمیل چاہتا ہے۔
مریم نواز نے ٹوئٹ کے اختتام میں عدالت عظمیٰ کو اپنے تئیں مشورہ دیتے ہوئے کہا ہے کہ سپریم کورٹ کو چوکنا رہنا ہوگا اور سیاسی لڑائی سے خود کو الگ رکھنا ہوگا، ورنہ جانبداری کا تاثر مضبوط ہوگا جو عدلیہ کیلئے بطور ادارہ نقصان دہ ہے۔
فتنہ خان جس سپریم کورٹ کو چند دن پہلے تک گالیاں دے رہا تھا آج اسی سپریم کورٹ کی آڑ لے کر اپنے انتشار کے ایجنڈے کی تکمیل چاہتا ہے۔ سپریم کورٹ کو چوکنا رہنا ہو گا اور اس سیاسی لڑائی سے خود کو الگ رکھنا ہو گاورنہ جانبداری کا تاتر مضبوط ہو گا جو عدلیہ کے لیے بطور ادارہ نقصان دہ ہے
— Maryam Nawaz Sharif (@MaryamNSharif) May 27, 2022
