The news is by your side.

Advertisement

مشال خان قتل کیس، فیصلہ آج سنایا جائے گا

مردان : مشتعل ہجوم کے ہاتھوں بیدردی سے قتل کیے جانے والے طالب علم مشال خان کے قتل کیس کا فیصلہ آج سنایا جائے گا.

تفصیلات کے مطابق گزشتہ ماہ 27 جنوری کو عدالت میں مشال خان قتل کیس کی ہونے والی سماعت میں فیصلہ محفوظ کرلیا گیا تھا جو آج یعنی 7 فروری کوانسداد دہشت گردی کی عدالت ایبٹ آباد کے تحت ہری پور سینٹرل جیل سنایا جائے گا، اس کیس میں ستمبر2017 سے جنوری 2018 تک 25 سماعتیں ہوئیں جن میں 68 گواہان پیش ہوئے.

ذرائع کے مطابق اس کیس میں 61 میں سے 58 ملزمان کو حراست میں لیا گیا تھا جس میں مشال خان پر گولی چلانے کا اعتراف کرنے والے ملزم عمران، مرکزی ملزم تحریک انصاف کے تحصیل کونسلر عارف، یونیورسٹی ملازم اور ایک طلباء تنظیم کے رہنما بھی شامل ہیں.

خیال رہے کہ گزشتہ برس عبدالولی خان یونی ورسٹی مردان میں 13 اپریل کو جرنلزم کے 23 سالہ ہونہار طالب علم مشال خان کو مشتعل ہجوم نے توہین مذہب کا الزام لگا کر قتل کردیا گیا تھا.

طالب علم پر بہیمانہ تشدد اور نسانیت سوز مظالم ڈھانے کی ویڈیوز وائرل ہونے کے بعد یہ ملک بھر میں مشال خان کے حق مظاہروں کا نہ ختم ہونے والا سلسلہ شروع ہوگیا جس کے باعث مقدمے کو تیزی کے ساتھ منطقی انجام تک پہنچایا گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں